Трампнинг иккинчи огоҳлантириши: АҚШ Асад тарафдорларига зарба берди

Жаҳон 19 Май 2017 22301
Фото: РИА Новости

18 май куни АҚШ етакчилигидаги коалиция кучлари авиацияси Сурия ҳукумати кучларига ҳаво зарбалари берди.
 
Бу Америка ҳарбийларининг Дональд Трамп президентлиги даврида САР президенти Башар Асад томонида жанг қилаётган қуролланган тузилмаларга берган иккинчи зарбасидир. Шу йилнинг апрель ойида АҚШ Шайрот авиабазасига ракета зарбалари берган ҳамда уни Сурия етакчисига огоҳлантириш, деб атаган эди. 

Сўнгги ҳодисаларга изоҳ берган Пентагон маъмурияти бу зарбаларни деярли мудофаа мақсадида амалга оширилганини иддао этмоқда. Унга кўра, гўёки Сурия кучлари ИШИДга қарши курашаётган АҚШ ҳамкорлари бўлган "ўт очишни тўхтатиш" ҳудудига яқинлашиб қолган. Шу билан бирга, маъмурият маълумотига кўра, "ўт очишни тўхтатиш" ҳудудлари дейилганида Остонадаги музокараларда эришилган 4та ўт очишни тўхтатиш ҳудуди эмас, аксинча, Россия ва Америка ҳарбийлари ўртасида имзоланган меморандумга мувофиқ ташкил этилган ҳудудлар назарда тутилади.

Таъкидлаш жоизки, ушбу зарба Сурия ҳукумати ва мухолифат вакилларининг Женевада давом этаётган музокаралари вақтида амалга оширилди. Қатор кузатувчиларнинг фикрича, бундай куч ишлатиш шундоқ ҳам осон кечмаётган музокаралар жараёнини янада қийинлаштиради. 

"Жанговар таҳдидга жавоб"

АҚШ коалицияси штаби хабарларига қараганда, Сурия ҳукуматига ён босувчи кучларга зарбалар 18 май куни мамлакат жанубидаги Ат-Танфа ҳудудига берилган. Бунга сабаб сифатида коалиция қўмондони мазкур бўлинмалар "коалиция кучларига таҳдид солади", дея хулоса қилгани кўрсатилмоқда.

"Танклар, зирхли машиналар, артиллерия ва техник автомобиллардан келиб чиққан таҳдид сабабли зарба берилди", — дейилади баёнотда. 

"Бир неча маротаба чекиниш талаб қилинганидан сўнг, коалиция самолётлари зарба беришдан аввал танк ҳамда қурилиш ускуналарини йўқ қилган огоҳлантирувчи парвозларни ва ўқ отишларни амалга оширган", — дейилади ҳужжатда.

ОАВ хабарларига кўра, сурияликлар карвонида Сурия армиясининг доимий аскарлари эмас, балки кўнгиллилар бўлган. Пентагон эса, уларни "ҳукуматпараст кучлар" деб баҳолаган, бироқ улар Сурия ҚК таркибига киргани ёки йўқлигига ойдинлик киритмаган. 

АҚШ Марказий қўмондонлиги (CENTCOM) расмий вакили майор Жош Жейкс РИА Новости агентлиги билан суҳбатда тахмин қилишича, ҳужум қилган кучлар орасида йўқотишлар бўлган, аммо у бу маълумотларга ойдинлик кирита олмаган.

Ҳозирча, Сурия расмийлари бу масала бўйича расмий баёнот беришгани йўқ. 

CENTCOM вакилининг маълумотига кўра, Америка томони ушбу зарбалардан аввал Россия ҳарбийлари билан боғланган ва бу ҳудудга яқинлашаётган кучлар ортга қайтишлари зарурлигини айтган. 

Россия мудофаа вазирлиги ҳам ўз баёнотини беришга шошилмаяпти.

Кун янгиликлари
Бош прокуратура Гулнора Каримовага нисбатан жиноий иш тафсилотларини ошкор қилди
Ўқитувчилар мажбурий меҳнатга жалб этилиши факт. Барча сукут сақламоқда
21:00 / 26.07.2017 101366 Ўзбекистон
Оққон билан оғриган 5 ёшли бола тезкор ёрдамга муҳтож
17:52 / 24.07.2017 44178 Жамият
Савдо-саноат палатасининг собиқ раиси Лондонга жўнаб кетди
Ички ишлар органи ходимининг мол-мулкига зарар етказилса, унинг ўрни қандай қопланади?
Ўзбекистон Ўш шаҳрида мактаб қуриб беради
Швейцарияда Ўзбекистоннинг Каримова иши бўйича сўрови ўрганилмоқда
Ўзбекистон Хитойга янги элчи тайинлади
ЕИнинг шерик давлатлари Қримга қарши санкцияларни узайтирди
19:15 500 Жаҳон
Марғилонда “Водий ипаги – дунё нигоҳида” деб номланган фестиваль бўлиб ўтди
19:13 281 Жамият
Кўпроқ янгиликлар