Ўзбекистонда ноёб технология асосида юқори сифатли бензин ишлаб чиқарилади

Иқтисодиёт 19 Май 2017 17773
Фото:Czarek Sokolowski/AP

АҚШнинг ExxonMobil мобиль компанияси Ўзбекистонга метанолдан юқори сифатли бензин ишлаб чиқариш технологиясини тақдим этади. Бу ҳақда podrobno.uz нашрига UNIS чех компанияси ижрочи директори Любош Глозар маълум қилди.

Инвестицион лойиҳани "Навоийазот" АЖ ҳудудида амалга ошириш режалаштирилмоқда. Қурилма йилига 300 минг тоннагача метанолни қайта ишлай олади ва Евро-5 стандартига мос келувчи 100 минг тоннадан кўпроқ юқори сифатли бензин ишлаб чиқара олади. Инвестициялар қиймати ҳозирча маълум қилинмаяпти. 

"Биз ExxonMobil билан қўшма таклифимизни мутасадди тузилмаларга юбордик. Айни вақтда улар лойиҳани амалга ошириш йўлларини батафсил ўрганмоқдалар. Умид қиламизки, биз яқин орада ишни бошлаймиз", деб айтди Глозар.

"Навоийазот" ҳудудида поливинилхлорид (ПВХ), каустик сода ва метанол ишлаб чиқарувчи мажмуа қурилиши якунланмоқда. Айнан шу мажмуа ExxonMobil технологияси қўлланган ҳолда яратилган қурилма учун хом ашё базаси бўлади. 

"Лойиҳа кичик қийматли эмас, бироқ 3-4 йил ичида тез ўзини оқлайди. Бу синовдан ўтган технология бўлиб, бензин экологик стандартларга мос келади", деб айтди Глозар.

Унинг айтишича, "Навоийазот" ҳудудида тегишли жой танланган, техник тайёргарлик давом этмоқда.

Бундан ташқари, АҚШ компанияси "Ўзбекнефтгаз" МХК билан ҳамкорликни чуқурлаштиришга тайёрлигини билдирмоқда ҳамда нефть ва газни чуқур қайта ишлашда қўлланиши мумкин бўлган ўзида мавжуд бошқа технологияларни ҳам таклиф қилиши мумкин.

Бунга мисол Фарғона нефтни қайта ишлаш заводини модернизациялаш билан юқори сифатли мойлаш материаллари ва мойлар ишлаб чиқариш технологияси ҳисобланиши мумкин.  

ExxonMobil томондан метанолдан бензин олиш жараёни метанолни товар бензинга айлантиришни таъминлайди. Бу бензин деярли олтингугуртга эга эмас ва оз миқдорда бензолга эгалиги билан ажралиб туради. Таъкидлаш жоизки, ушбу технология муқобилларга эга эмас ва фақатгина Хитой томондан ўзлаштирилган.

Кун янгиликлари
Қоғоз шаклидаги меҳнат дафтарчалари берилиши тўхтатилади
12:21 29840 Жамият
«Ахборот», «Давр» ва «Пойтахт» информацион дастурлари ёпилади
Туман ҳокимлиги тадбиркор қураётган спорт мажмуасини буздирди: ким ҳақ?
14:47 / 24.05.2017 40370 Жамият
Абитуриентлар олқиши ва эътирофига сазовор бўлган besttest.uz вебсайти
12:14 / 24.05.2017 16249 Технология
Шаҳрисабздаги тўртта қишлоқ карантин ёқасида
20:50 / 23.05.2017 65923 Ўзбекистон
Бемор қизчага ёрдам керак. Ҳар эшикдан қайтарилган оила учун хайрия акцияси
19:25 / 16.05.2017 125169 Жамият
«Манчестер Сити»да глобал қайта қуриш бошланди: Бирданига уч футболчига жавоб берилди
22:55 423 Спорт
ОПЕК Туркманистон ва Мисрнинг нефть олишни чеклаш келишувига қўшилишига умид қилмоқда
Грециянинг собиқ бош вазири портлаш оқибатида ярадор бўлди
22:45 305 Жаҳон
Forbes: Россиянинг энг бадавлат меросхўрлари рейтинги
Кўпроқ янгиликлар