Яманда охирги 3 ҳафта давомида вабодан 242 киши вафот этгани, 23 мингдан кўпроқ киши касаллангани қайд қилинди. Бу ҳақда Жаҳон соғлиқни сақлаш ташкилоти баёнотида маълум қилинди. 

ЖССТ кейинги 6 ҳафта ичида вабодан касалланганлар сони 200-300 мингга етиши мумкинлигини айтмоқда.

"Бундай рақамлар билан одамлар ҳаёти билан тўланадиган ҳақ жуда, жуда юқори бўлади", деб айтди ЖССТнинг Ямандаги вакили Невио Загария.

Ташкилотда Ямандаги ушбу эпидемия ўз кўлами бўйича "мисли кўрилмаган даражада" эканлиги таъкидлаб ўтилди.