АҚШ президентлик сайловларида иштирок этган Ҳиллари Клинтон сайловолди дебатлари вақтида Дональд Трампнинг қучоқ очиб кўришишидан қочишни репетиция қилган. Бундан Клинтоннинг собиқ ёрдамчиси Филипп Райнс томондан тарқатилган видео гувоҳлик бермоқда.

Видеода Клинтоннинг Трампга ўхшаш актёр билан дебатларни саҳналаштираётганини кўриш мумкин. Видеода Клинтон дебатлар бошида "Трамп" томон қўлларини чўзганча бораётгани, Трампни ўйнаётган актёр эса унга қучоқ очиб келаётганини кўриш мумкин. Сўнгра Клинтон "Трамп"дан ўнг қўлига шапалатиб, қочмоқчи бўлади, бироқ "Трамп" Клинтонга етиб олиб, елкаларидан ушлаганча, бошидан ўпиб қўяди. Кадр ортида эса Клинтон ёрдамчиларининг хохолаб кулаётганлари овози эшитилади. "Дебатларга тайёргарлик кўришимиздаги энг севимли лаҳзам", деб изоҳ берган видеога Райнс.

Twitter фойдаланувчиларидан бири Райнсдан "видеода ҳақиқатан ҳам Клинтон тасвирланганми?" деб сўраган. "Айнан ўзи", деб жавоб берган Райнс.

Клинтоннинг ўзи эса "Мен бугун бу видеони кўриб мириқиб кулдим. Умид қиламанки, бу видео кунингизни хушнуд қила олади", деб видеога изоҳ қолдирган.

Дебатлар вақтида Клинтон ва Трамп бир неча маротаба намойишкорона бир-бирлари билан қўл сиқишишдан бош тортишган. Улар орасида қучоқ очиб кўришишни айтмаса ҳам бўлади. 

"Трамп қучоқлари" мавзуси АҚШ ахборот ҳудудида иккинчи маротаба сизиб чиқмоқда. Аввалроқ Трамп томондан истеъфога кетказилган ФҚБнинг собиқ директори Жеймс Комининг дўстлари Hill нашрига Коми Трамп уни омма олдида қучоқлаб қўйганида у бундан жирканганини маълум қилишган.