Америкалик тадбиркор Стэн Кронке Алишер Усмоновнинг «Арсенал» футбол жамоаси акцияларининг назорат тўпламини сотиб олиш ҳақидаги таклифига рад жавобини берди.

Mirror нашри маълумотига кўра, Кронке клубнинг ўзига тегишли бўлган 67,05 фоизи акцияларини сотиб юбориш ниятида эмас.

Шунингдек таъкидланишича, келишув ҳаттоки таклиф қиймати оширилса ҳам амалга ошмаслиги эҳтимолга яқин.

Аввалроқ Алишер Усмонов клуб устидан назоратни қўлга киритиш учун Стэн Кронкега унга тегишли акцияларни сотиб олиш учун 1,3 млрд евро таклиф қилгани ҳақида хабарлар тарқалганди.