ОАВ: Венесуэлада намойишчиларга қарши мерганлардан фойдаланишмоқчи

Жаҳон 20 Май 2017 3894

Венесуэладаги юқори лавозимли ҳарбийлар мамлакат ҳукумати сиёсатига қарши норозилик намойишларида иштирок этаётганларга қарши курашда мерганлардан фойдаланиш бўйича тайёргарлик кўришга топшириқ берган. Бу ҳақда El Nuevo Herald хабар бермоқда. Нашр аудиоёзувларни тақдим этган, унда Венесуэла минтақавий қўмондонлиги учрашувидаги мулоқот ёзиб олинган.

Таъкидланишича, мерганлардан фойдаланиш ҳақидаги буйруқни армия генерали Хосе Рафаэль Торреальба Перес берган. Ёзиб олинган суҳбатда ҳарбийлар намойишчиларга қарши мерганлардан фойдаланиш қонунга қанчалик тўғри келиши ва шундан сўнг юз берадиган эҳтимолий таҳдидларни ҳам муҳокама қилган.

Нашр маълумотига кўра, учрашувда армия, ҳарбий-ҳаво кучлари ва Венесуэла миллий гвардияси вакиллари иштирок этган ҳамда у тахминан уч ҳафта аввал мамлакат шимоли-ғарбидаги Баркисимето шаҳридаги ҳарбий базада бўлиб ўтган.

«Мерганлар билан ишлайдиган шахсларни тайёргарликдан ўтказа бошланг, бунда биринчи бўлиб руҳий ва жисмоний синовлардан фойдаланинг», - деган Торреальба аудиоёзувда.

Унинг сўзларига кўра, «биз мерганларни қўйишга мажбур бўладиган вақт келади, ҳамда мен бу ҳолатга тайёр бўлишимни истайман».

Манбанинг билдиришича, ёзувдаги овоз айнан шу генералга тегишли.

Бу маълумотлар Венесуэла ҳарбийларининг, намойишчиларга нисбатан ўқ отар қуролдан ҳеч қачон фойдаланмаганликлари ҳақидаги баёнотларига зид келади.

«Биз ўқ отар қуроллардан фойдаланмаймиз. Бизда шундай вазиятларда милтиқ, тўппонча ёки пулемётлар йўқ», - дея айтиб ўтганди мамлакат мудофаа вазири Владимир Лопес аввалроқ.
 
Эслатиб ўтамиз, Венесуэлада жорий йилнинг 4 апрелидан бошлаб мамлакат ҳукумати ва унинг етакчисига қарши оммавий кўча намойишлари бўлиб ўтмоқда. Сўнгги маълумотларга кўра, 35 киши ҳалок бўлган. Намойишлар Олий суднинг мамлакат парламенти ҳокимиятини чеклаш ҳақидаги қароридан сўнг бошланди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28842 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 64948 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8154 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 125455 Жамият
Бекободнинг 2035 йилгача мўлжалланган  бош режаси: Шаҳар қандай кўринишда бўлади?
Зафар Рўзиев: Энди Қашқадарёда етиштириладиган пахтанинг ярмидан кўпи ўзимизда қайта ишланади
Алвидо Dodge Viper! Суперкарнинг энг ноёб намуналари
Афғонистонда толибларнинг етакчиларидан бири ўлдирилди
17:50 730 Жаҳон
Украинада Франциянинг 200 млн еврони ўзлаштирган фуқароси қўлга олинди
17:40 1087 Жаҳон
Ўзбекистон Республикаси Олий суди турли миш-миш хабарларга раддия берди
Кўпроқ янгиликлар