Америка Қўшма Штатлари Сурия ҳукумати қўллаб-қувватлаётган кучларга зарба бермаслик шартини илгари сурди. Унга кўра, минтақадаги Америка қўшинларига таҳдид бўлмаса, зарба берилмайди. АҚШ Қуролли кучлари штаб бошлиқлари бирлашган қўмитаси раиси Жозеф Данфорд шундай баёнот берди. Бу ҳақда Reuters агентлиги хабар қилмоқда.

"Агар бизнинг кучларга таҳдид бўлмаса, бу каби зарбалар такрор юз бермаслиги мажбуриятини зиммамга оламан", — деган Данфорд. Бундан аввал, АҚШ етакчилигидаги халқаро коалиция Сурия ҳукуматига ёнбосувчи кўнгиллиларга Ат-Танфа ҳудудида зарба бергани хабар қилинган эди.