Саудия Арабистони подшоҳи Салмон бин Абдулазиз Ол Сауд 20 май куни "Ал-Ямома" подшоҳлик саройида АҚШ президенти Доналд Трамп раҳбарлигидаги Америка делегациясини қабул қилди. Саудия-Америка саммити бошланиши аввалида подшоҳ Оқ уй маъмурияти етакчисини подшоҳликнинг олий мукофоти – ҳукмрон сулола асосчиси подшоҳ Абдулазиз номидаги орден билан мукофотлади. Тантанали маросим Sky News Arabia телеканалида намойиш этилди.

Мазкур орден билан мамлакатлар ўртасидаги ҳамкорликни мустаҳкамлашга катта ҳисса қўшган хорижий давлатлар раҳбарлари мукофотланади. Мазкур олий мукофот билан тақдирланганлар орасида АҚШнинг собиқ президенти Барак Обама ҳам бор. 

Al Arabiya телеканали эса, Америка ҳарбий-саноат комплекси гигантларидан бири Raytheon Саудия Арабистони ҳарбий-саноат корпорацияси билан стратегик ҳамкорлик ва подшоҳлик ҲҲҲ (ҳаво ҳужумидан ҳимоя) тизимларини ривожлантириш ва "ақлли" қуроллар ишлаб чиқиш борасида келишиб олгани ҳақида хабар қилмоқда. 

Икки давлат раҳбарлари иштирокида имзоланган меморандумга мувофиқ, Raytheon подшоҳликда тўлиқ ўзига қарайдиган Raytheon Arabia юридик шахсига асос солади. 

Бундан ташқари, Саудия Арабистони ва АҚШ 20 май куни подшоҳликда Американинг 150та кўп мақсадли Blackhawk вертолётларини йиғиш тўғрисидаги битим ҳам имзоланиши маълум қилинганди.