Россиялик каскадёр Геннадий Кочерга ўғли Сергей билан Голливуднинг "Трансформерлар" фильмидаги "Оптимус Прайм" номли трансформерни "Лада" автомобили негизидаги вариантини яратди. Рус трансформери Орёлдаги трюклар шоусида тақдим қилинди.

Кочерга ўзи яратган робот-автомобилга "Оптимус Геннадьевич Праймов" деб ҳазиломуз ном берди. Трансформер юриб кетаётганда автомобилдан робот кўринишга бир неча сонияларда айлана олади. Машина ҳаттоки иккита пулемёт билан ҳам жиҳозланган.

Каскадёрнинг айтишича, у трансформерни яратишда Сингапурда сотиб олган ўйинчоқ автомобилдан илҳом олган. Айнан шундан кейин каскадёр ушбу лойиҳани амалга ошира бошлаган. Кочерга худди шу ғоя асосида камида яна иккита трансформер яратмоқчи.