Тожикистон республикаси ҳукумати қарори билан Душанбе шаҳри бош режаси тасдиқланди. Бу ҳақда “Азия-Плюс” хабар берди.

Хабарда таъкидланишича, ҳукумат қарори 2017 йилнинг 28 апрель куни имзоланган.

Душанбе бош режасига мувофиқ, шаҳар жанубга, қисман шимолга, шарққа ва ғарб томонга кенгаяди.

Шаҳар ҳудуди 2025 йилга келиб 12,7 минг гектардан 18 мингга, 2040 йилда – 25 минг ва 2040 йилдан сўнг – 30 минг гектарга қадар кенгайтирилади. 

2025 йилга қадар лойиҳа ҳудудида биринчи босқичида аҳоли сонининг ўсиши 936 минг кишини ташкил этса, 2040 йилга қадар – 1 миллион 176 минг киши.

Душанбе шаҳри давлат ҳокимияти ижро идорасининг ахборот ва хорижий алоқалар бошқармаси бошлиғи Абдумажид Ҳакимзоданинг хабар беришича, пойтахт ҳокимияти қарорига мувофиқ, ерлар босқичма-босқич ўзлаштириб борилади.