IBF йўналиши бўйича вақтинчалик чемпионлик жанги якунида можаро рўй берди.

Ушбу титул учун венесуэлалик Хосе Ускатеги ва америкалик Андрэ Диррелл рингга кўтарилганди.

8-раунд якунида венесуэлалик боксчи ўз рақибини нокаутга учратди. Аммо арбитр Хосе Ускатеги бонг чалинганидан кейин зарба берилган деб ҳисоблади ва ғалабани Дирреллга берди.

Шундан сўнг рингда можаро юзага келган. Америкалик боксчининг секунданти Ускатегига яқинлашиб келган ва боксчи бошқа томонга қараб турганида унга қўққисдан мушт тушира бошлаган. Кутилмаган зарбалардан гангиб қолган венесуэлалик боксчи нокдаун ҳолатига тушган, аммо у оёқда тура олган. 

Диррелнинг секунданти унинг амакиси Леон Лоусон бўлиб чиққан. У воқеа жойидан қочиб кетган ва айни вақтда полиция томонидан қидирилмоқда.