«Тоттенҳэм» «Фулҳэм»нинг 17 ёшли қанот ярим ҳимоячиси Райан Сессеньон учун «Ливерпуль» билан рақобат бошлади. Бу ҳақда Express хабар тарқатди.

Хабарга кўра, «шпорлар» бу ёш футболчи учун 14 миллион евро беришга тайёр. Ушбу футболчини ҳозирда инглиз нашрлари «янги Бэйл» деб аташмоқда.

Жорий мавсумда «Фулҳэм»да дебют қилган Райан жамоасининг 30 учрашувида майдонга тушди ҳамда 7 гол уриб, 4 голга узатма берди. 

Transfermarkt порталида унинг трансфер қиймати 3 миллион евро этиб кўрсатилган.