«Ювентус» Италия чемпионатида мавсум якунига бир тур қолганида «Кротоне»ни 3:0 ҳисобида мағлуб этди ва «Рома»ни 4 очкога ортда қолдириб, чемпионликни кафолатлади. «Кротоне»  31 очко билан 18-ўринда қолди.

Ғолиблар сафида голларга Марио Манжукич, Пауло Дибала ва Алекс Сандро муаллифлик қилди.

Бу ғалабадан кейин «Ювентус» ҳисобидаги очколар сони 88тага етди, «Рома» 84 очко билан иккинчи ўринда.

«Ювентус» шу тариқа ўз тарихида 33-марта Италия чемпиони бўлди, бу туринликлар жамоасининг қаторасига олтинчи йил тенгсиз бўлишидир. Бу эса рекорд натижа ҳисобланади. «Милан» ва «Интер»да 18тадан чемпионлик титули бор.

Массимилиано Аллегри шогирдлари бир неча кун олдин Италия Кубогини қўлга киритганди, шунингдек, жамоа ЕЧЛ финалига чиққан, «Реал»га қарши финал баҳси 3 июнь кунига белгиланган. 

А Серия, 37-тур
Ювентус – Кротоне 3:0 (2:0)
Голлар: 1:0 – 12 Манжукич, 2:0 – 39 Дибала, 3:0 – 83 Алекс Сандро. 
Ювентус – Буффон, Бонуччи, Алекс Сандро, Дани Алвес, Бенатия, Пьянич (Ринкон, 84), Маркизио (Лемина, 74), Куадрадо (Бардзальи, 70), Манжукич, Дибала, Игуаин.
Кротоне – Кордац, Мартелла, Феррари, Чеккерини, Рози (Сампиризи, 34), Крисетиг, Барберис, Налини, Роден (Акости, 78), Тонев (Сими, 57), Фальчинелли.
Огоҳлантириш: Мартелла (76).