Ўзбекистон президенти Шавкат Мирзиёев 21 май куни Саудия Арабистони пойтахти Ар-Риёд шаҳрида бўлиб ўтган араб-мусулмон мамлакатлари ва АҚШ саммитида иштирок этди.

Президент ислом дунёси мамлакатлари ва АҚШ раҳбарларининг биринчи саммитида қатнашиш учун ташриф буюрган 50та мамлакат етакчилари билан тушликда бўлди.

Саммит доирасида у Қозоғистон раҳбари Нурсултон Назарбоев ҳамда Тожикистон президенти Эмомали Раҳмон билан учрашган.

Шавкат Мирзиёев шунингдек Саудия Арабистони Подшоҳлиги Валиаҳди Муҳаммад ибн Нойиф ибн Абдулазиз ас-Сауд билан ҳам учрашган.