Швейцария ядро энергетикасидан воз кечмоқда

Жаҳон 22 Май 2017 3319

Кўплаб давлатлар ҳануз «тинч атом»нинг афзалликларидан воз кечишга иккиланиб турган бир пайтда, швейцарияликлар ўз давлати равнақи учун муҳим қадамни босишга муваффақ бўлишди.

Яқинда ўтказилган сўровларда швейцарияликларнинг аксарияти муқобил энергия манбаларини ривожлантириш учун давлат ядро дастурини тугатишни ёқлаб овоз беришди. Швейцария айни пайтда ўзида мавжуд бешта атом электр станциясидан жами сарфлаётган энергиясининг учдан бир қисмини олади. Атом энергияси халқаро агентлиги (АЭХА) статистикасига ишонадиган бўлсак, бугунги кунда жаҳонда жами 450 та ядро реактори фаолият кўрсатмоқда ва у умумжаҳон энергия истеъмолининг бор-йўғи 3 фоизинигина қоплайди.

Ядро энергетикасидан воз кечиш Швейцария учун осон бўлмайди, чунки мамлакат табиий ресурсларга асло бой эмас. Айни пайтда давлатнинг истеъмол қилаётган энергиясининг катта қисмини (60 фоизини) гидроэлектростанциялар қопламоқда. Муқобил манбалар эса ҳозирча энергиянинг умумий ҳажмидан 8 фоизини ишлаб чиқаришда ёрдам бермоқда. 

2011 йилда — Япониянинг «Фукушима-1» реакторида уч энергия блокининг эришига сабаб бўлган фалокат юз бергач, Швейцарияда ҳам ядро энергетикасидан воз кечиш ҳақида гап-сўзлар урчиб қолган эди. Японлар бу даҳшатли фалокат оқибатларини қандай бартараф этишни ҳанузгача билишмаяпти. Швейцарияликлар воқеанинг бундай тус олиш эҳтимолидан жуда қўрқиб қолишган, шу сабабли сўровда қатнашганларнинг 58 фоизи ядро энергетикаси қурилмаларидан фойдаланишни бас қилишни ёқлаб овоз беришди.

Энергетиканинг ядро секторини қисқартириш дастури 2018 йилнинг январидан бошланиши мўлжалланмоқда. Бир неча йиллардан буён атроф-муҳит муҳофазаси учун ўз қонун лойиҳаларини илгари суриб келган Яшиллар партияси вакиллари Швейцария фуқароларининг бу қароридан айниқса хурсанд бўлишди. Ядро реакторларидан воз кечишга қарши бўлганлар эса, аксинча, мўлжални бу қадар кескин ўзгартириш мамлакат иқтисодиётини ларзага солишини айтиб келишмоқда. Олимлар ҳам ушбу масала юзасидан ўз позициясига эга. Улардан баъзилари экологик тозалик ва самарадорлик нуқтаи назаридан муқобил энергия манбалари ядро энергиясидан яхшироқ эмас, баъзи ўринларда унга ютқазади ҳам, дея ҳисобламоқда.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 5825 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 6747 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21798 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 50389 Жамият
Индонезиялик хакерлар байроқ можаросидан сўнг Малайзиянинг қарийб 30 та сайтини бузиб киришди
08:30 82 Жаҳон
АҚШ Сурия ҳукуматига кимёвий қурол қўлланилиши юзасидан махсус баёнот билан чиқди
08:24 303 Жаҳон
Ироқ ИШИДдан икки ойдан сўнг бутунлай озод этилиши айтилди
08:20 191 Жаҳон
АҚШда қуёш тутилишини томоша қилаётганларни автомобиль босиб кетди
08:06 1092 Жамият
Кобулнинг дипломатик туманида ракета портлади
07:55 347 Жаҳон
АҚШ эсминецининг савдо кемаси билан тўқнашувига сабаб сифатида кибераралашув ҳам кўриб чиқилади  
07:47 260 Жаҳон
Кўпроқ янгиликлар