Хитой ташқи сиёсат идораси раҳбари Ван И КХДРни БМТ ХК резолюциясини бузмаслик ва Корея ярим оролини ядросизлантириш бўйича йўлдан давом этишга чақирди, дейилади ХХР ТИВ сайтида эълон қилинган хабарда.

"Шимолий Кореяни БМТ Хавфсизлик кенгаши резолюцияларини бузувчи хатти-ҳаракатдан тийилишга чақирамиз. Шунингдек, томонлар кутилмаган ҳодисалар таъсирига жиддий учрамайди ва Корея ярим оролини ядросизлантириш бўйича умумий йўналишда давом этишларига умид қиламиз", - деди хитойлик вазир.

Бундан ташқари, унинг умид қилишича, томонлар тинч мулоқотни давом эттиришади, ҳамда айнан шу орқали бу минтақавий муаммони ҳал қилиш мумкин. 

Шу билан бирга, Хитой ТИВ раҳбарининг таъкидлашича, Жанубий Корея янги ҳукумати мулоқотга кўмак кўрсатиши лозим.