Қаршида автобус ҳайдаётиб, наркотик модда сотиб келган ҳайдовчи фош этилди

Жамият 23 Май 2017 11663
Фото: Давлат божхона қўмитаси

Яқинда Қашқадарё вилояти божхона бошқармаси ходимлари томонидан ҳуқуқни муҳофаза қилувчи идоралар ходимлари билан ҳамкорликда гиёҳвандлик воситаларининг ноқонуний олди-сотдиси билан шуғулланиб келган жиноий гуруҳ фаолиятига чек қўйди, деб хабар бермоқда Қашқадарё вилояти божхона бошқармаси ахборот хизмати. 

Аниқланишича, 50 ёшни қаршилаган Қарши шаҳрида истиқомат қилувчи фуқаро Қ.Рахимов (ҳуқуқбузарларнинг исми ва шарифи ўзгартирилган) гиёҳвандлик воситасини сотишда ўзига хос йўлдан фойдаланган. У Қарши шаҳридаги йўналишдаги автобуслардан бирини бошқариш билан бирга, иш жараёнида йўл-йўлакай “мижоз”ларига гиёҳвандлик воситаларини сотиш билан ҳам шуғулланиб, гуёки “бир ўқ билан икки қўённи урди” қабилида иш юритган.

Олиб борилган тезкор тадбир давомида, Қ.Рахимовнинг яшаш хонадонидан хаммом томи ва девор устига ҳуфёна тарзда қоғозларга ўралган ҳолдаги ҳамда ўн икки дона гугурт қутиларига солинган, шунингдек ҳовлидаги иситиш тизими хонасининг яширин жойларига 2 газеталарга ўралган ҳолда ҳуфёна жойлаштирилган 153,2 граммдан иборат бўлган гиёҳвандлик моддаси аниқланди.

Шунингдек, тадбирда унинг доимий мижози бўлган фуқаро С.Қўлдошевнинг эгнидаги кийимининг чўнтакларидан уч дона гугурт қутиларига жойлаштирилган ва бир дона минг сўмлик купюрага ўралган ҳолдаги ҳамда унинг яшаш хонадонидан икки дона қоғоз бўлакларига ўралган оғирлиги 9 граммдан иборат гиёҳвандлик моддалари ашёвий далил сифатида олиб қўйилди.

Вилоят ИИБ ЭКБнинг эксперт хулосаларига кўра, фуқаролар Қ.Рахимов ҳамда С.Қўлдошевлардан ашёвий далил сифатида олинган гиёҳвандлик воситалари марихуана гиёҳвандлик моддаси эканлиги маълум бўлди.

Ҳозирда мазкур ҳуқуқбузарлик ҳолатлари юзасидан божхона текширувлари ва суриштирув ишлари олиб борилмоқда.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71691 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37281 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21600 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81383 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61962 Жамият
Forbes: Бой бўлишдан уялмаган Малкольм Форбс
01:13 1229 Lifestyle
Зидан ҳеч қандай музокараларсиз «Реал» билан шартномани узайтиради
00:53 857 Спорт
Бразилияда бортида 70 киши бўлган паром чўкиб кетди
00:20 784 Жаҳон
Германиядаги йўл-транспорт ҳодисасида 44 руминиялик жабрланди
00:17 350 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 672 Маданият
Кўпроқ янгиликлар