Англиянинг «Манчестер Сити» клуби қанот ҳимоячилари Гаэль Клиши ва Бакари Санья жамоани тарк этади. Бу ҳақда The Telegraph нашри хабар тарқатди

Клиши олдинроқ, 30 июнь куни ниҳоясига етадиган шартномасини узайтирмаслигини таъкидлаб ўтганди. Шунингдек, мураббийлар штаби Бакари Санья билан ҳам хайрлашишни маъқул кўргани аниқ бўлди.

Гаэль Клиши жорий мавсумда «Сити» таркибида АПЛ доирасида 25та учрашувда иштирок этган бўлиб, 1 гол муаллифи бўлган. Санья ҳисобида эса 18 ўйин ва 1та голли узатма мавжуд.

Эслатиб ўтамиз, олдинроқ «Манчестер Сити»нинг бошқа бир ҳимоячиси Пабло Сабалета 9 йиллик фаолиятидан сўнг Манчестерни тарк этишга қарор қилгани эълон қилинганди.