OAV Manchesterdagi portlash ortida kim turgani haqida xabar tarqatdi

23 mayga o‘tar kechasi Manchester shahridagi Manchester Arena stadionida Ariana Grandening konserti vaqtida ro‘y bergan portlash xudkush terrorchi tomonidan amalga oshirilgan. Bu haqda NBC New York nashri AQShdagi bir necha rasmiylarga asoslanib xabar tarqatdi.

Reuters’ning manbalari ham portlash ortida xudkush terrorchi turganini ta'kidlagan.

Politsiya portlash stadion foyesida yuz berganini, stadion ma'muriyati esa hodisa «inshootdan tashqarida, jamoat joyida» bo‘lganini aytmoqda.

Politsiya 19 kishining o‘limini tasdiqladi, 59 kishi jarohatlangan.

Tergov hodisani terakt sifatida ko‘rib chiqmoqda. Politsiya rad etuvchi boshqa dalillar topilmasa, ish aynan terakt versiyasi sifatida qaralishini ma'lum qilgan.