Россиянинг собиқ вазири Улюкаевга якуний айблов эълон қилинди

Жаҳон 23 Май 2017 13152
Фото: RIA

Россия ташқи иқтисодий ривожланиш вазирлигининг собиқ раҳбари Алексей Улюкаевга якуний таҳрирдаги айблов эълон қилинди. Унга нисбатан "давлат лавозимини эгаллаган шахс томондан ўта йирик миқдорда пора олиш" моддаси бўйича жиноий иш қўзғатилган. Бу ҳақда Россия тергов қўмитаси расмий вакили Светлана Петренко маълум қилди.

Улюкаев 2016 йил ноябрида 2 млн доллар пора олаётган вақтда қўлга олинган. Бу  пуллар "Роснефт"га "Башнефт"га тегишли давлат улушини сотиб олишга имкон берувчи вазирлик хулосаси учун мўлжалланган. 

2017 йил январда Улюкаев уй қамоғига олинган ва Смоленск вилоятида унга тегишли бўлган 10 та ер майдони ва турар жойга тақиқлов қўйилган. Россия президенти Владимир Путин уни ишончни йўқотгани туфайли ўз лавозимидан бўшатган. 

Апрелда Москванинг Басман суди Улюкаевнинг уй қамоғи муддатини 15 июлгача чўзган ва унга кунига 2 соатдан сайр қилишга рухсат берган. Улюкаевнинг ўзи эса унга нисбатан енгилроқ жазо қўлланишини сўраган. У атеросклероз, қон босими билан азият чекиши сабабли саломатлиги рисоладагидек эмаслигидан шикоят қилган. Улюкаевнинг ҳимояси унга сайр қилишга рухсат берилишини талаб қилган, кейинроқ эса уни шифохонага ётқизиш кераклигини маълум қилган. 

Улюкаев Россиянинг замонавий тарихида коррупция учун ҳибсга олинган илк федерал вазир бўлди. У 15 йилгача озодликдан маҳрум этилиши мумкин.  

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 24973 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 54854 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 65315 Жамият
Янги iPhone нефть ва қайин қобиғидан ясалган корпусга эга бўлади
Саудия Арабистони ва Хитой 20 млрд долларлик инвестиция жамғармасини ташкил этади
Хитой шимолида жуда йирик газ кони топилди
15:34 199 Жаҳон
Қатар Россия билан ҳарбий-техник ҳамкорлик тўғрисида битим тузиши мумкин
15:24 506 Жаҳон
Қозоғистон БМТ Хавфсизлик Кенгашини ислоҳ қилиш таклифи билан чиқди
15:22 352 Жаҳон
Ўзбекистон ва Ҳиндистон ўртасида 150 млн долларлик 42та ҳужжат имзоланди
АҚШ ҳукумати Amazon’нинг 13,7 млрд долларлик харидини маъқуллади
Кўпроқ янгиликлар