Ўзбекистон ва Латвия ҳамкорлиги янада кенгаяди

Ўзбекистон 23 Май 2017 3588

Латвияда «Ўзбекистон-Латвия савдо-иқтисодий ва сармоявий ҳамкорлиги. Тадбиркорлик фаолияти учун янги имкониятлар» мавзусида семинар бўлиб ўтди.

Семинар Ўзбекистон Республикаси Олий Мажлиси Сенати раиси Ниғматилла Йўлдошев бошчилигидаги парламент делегациясининг Латвия Республикасига 2017 йилнинг 15-18 май кунлари амалга оширилган ташрифи доирасида ўтказилди.

Семинар ишида Ўзбекистон ва Латвия давлат тузилмалари ҳамда ишбилармон доиралари вакиллари иштирок этди, деб хабар бермоқда Ўзбекистон Савдо-саноат палатаси матбуот хизмати.

Ниғматилла Йўлдошевнинг таъкидлашича, Латвия Ўзбекистоннинг ишончли ва вақт билан синалган сиёсий ҳамда иқтисодий шериги саналади.

У семинар давомида Ўзбекистон макроиқтисодий кўрсаткичлари, мамлакатдаги ислоҳотлар, шунингдек, хорижий сармоядорлар учун яратилган шароитлар ҳақида маълумот берди.

Ҳозирда Ўзбекистонда Латвиядан бўлган инвесторлар иштирокида 47 та корхона ишламоқда, 15 та Латвия компания ваколатхонаси аккредитация қилинган.

Семинар давомида таъкидланишича, Ўзбекистон Латвия компанияларининг чорвачилик, паррандачилик мажмуаларини лойиҳалаштириш, қурилиш ва фойдаланиш борасидаги тажрибасини ўрганишдан, шунингдек, Латвиянинг Европа Иттифоқининг ветеринария, фитосанитар назорат ва озиқ-овқат маҳсулотлари хавфсизлиги соҳасидаги қонунчилигини қўллаш масаласида кўмагидан манфаатдор.

Ўзбекистон делегацияси латвиялик тадбиркорларни Ўзбекистонда озиқ-овқат ва енгил саноат, шунингдек, муқобил энергетика соҳасида қўшма сармоявий лойиҳаларни амалга оширишда иштирок этишга таклиф қилди.

Ўзбекистон корхоналари Латвияга турли маҳсулотларни етказиб беришга тайёрлиги алоҳида қайд этилди. Шунингдек, семинар қатнашчилари транспорт ва логистика соҳасидаги ҳамкорлик масалаларини ҳам муҳокама қилишди. Латвия Ўзбекистон ташқи савдо юкларининг Европа Иттифоқи давлатларига етказиб берилишида жуда муҳим ўрин тутади, бунда айнан унинг портларидан фойдаланилади.

Семинар доирасида текстиль ва озиқ-овқат саноатида ишловчи қатор ўзбек компаниялари маҳсулоти экспозицияси ташкил этилди.

Тадбир якунида Ўзбекистон Савдо-саноат палатаси ва Латвиянинг сармоялар ҳамда тараққиёт Агентлиги ўртасида ҳамкорлик ҳақида битим имзоланди.

Ўзбекистон кичик бизнес субъектлари ва хусусий тадбиркорликни қўллаб-қувватлаш Фонди ҳамда Латвия стивидорлар Ассоциацияси ўртасида ўзаро англашув тўғрисида меморандум имзоланди.

«Ўзагроэкспорт» АЖ ва A Fruits (Латвия) компанияси Рига шаҳрида Савдо уйини ташкил этиш тўғрисида ўзаро англашув меморандумини имзолашди.

«Ўзбекозиқовқатзахира» Ассоциацияси ва BIOR Илмий-тадқиқот лабораторияси вакиллари ўртасида лаборатория тадқиқотлари соҳасида ўзаро англашув ва ҳамкорлик тўғрисида меморандум имзоланди.

Тадбир якунида Ўзбекистон делегацияси ва Латвия компаниялари вакиллари ўртасида икки томонлама музокаралар бўлиб ўтди.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71425 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37185 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21542 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81228 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61913 Жамият
Forbes: Бой бўлишдан уялмаган Малкольм Форбс
01:13 753 Lifestyle
Зидан ҳеч қандай музокараларсиз «Реал» билан шартномани узайтиради
00:53 576 Спорт
Бразилияда бортида 70 киши бўлган паром чўкиб кетди
00:20 589 Жаҳон
Германиядаги йўл-транспорт ҳодисасида 44 руминиялик жабрланди
00:17 258 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 541 Маданият
Кўпроқ янгиликлар