Британиялик актёр Колин Ферт мамлакатнинг Евроиттифоқдан чиқиши туфайли Италия фуқаролигини олиш учун ариза топширди. Daily Express шу ҳақида маълум қилди. 

Манбага кўра, 56 ёшли актёр Brexit асоратларидан хавотирда.

"Колин турмуш ўртоғи ҳамда фарзандлари билан бирдек ҳужжатга эга бўлиш учун икки мамлакат (Британия ва Италия) фуқароси бўлишга ариза топширди", - дея маълум қилди актёрнинг вакили. 

Ферт мана 20 йилдирки, италиялик продюсер ва режиссёр Ливия Жуджоллига уйланган. Жуфтликнинг икки фарзанди бор.

Колин Ферт "Ғурур ва андиша", "Брижит Жонс кундалиги", "Менинг ёвуз энагам", "Дориан Грей" ва "Kingsman: Махфий хизмат" каби фильмларда суратга тушган.