Манчестер теракти ижрочиси ҳақида янги маълумотлар берилди (фото)

Жаҳон 24 Май 2017 27662
Фото: Reuters

Буюк Британия махсус хизматлари томонидан Манчестердаги спорт аренасидаги терактни содир этишда гумондор қилинган 22 ёшли Салмон Обидий ливиялик қочқинлар оиласида туғилган буюк британияликдир. Бу ҳақда The Daily Telegraph газетаси хабар тарқатди

У 1994 йили Манчестерда дунёга келган, Обидийлар оиласида учинчи фарзанд бўлган - унинг икки акаси ва бир синглиси бўлган. 

"Унинг ота-онаси ливияликлар, улар Муаммар Қаззофий режимидан қочиб, Буюк Британияга келганди", дейилган газетада.

Обидийлар оиласи Ливиядан келгач, аввалига Лондонда яшашган, кейин Манчестер жанубидаги Фаллоуфилд туманига кўчишган. Айни вақтда бу оила Ливияга қайтиб келган, икки ўғил Манчестерда қолганди.

Манбанинг ёзишича, Салмон 2015 йили бутун дунёга икки ўқувчиси Заҳро ва Салма Хон Сурияга кетиб қолгач машҳур бўлган мактабда ўқиган.

Айтилишича, Обидий илгари Британия полицияси эътиборига тушган. У стадионга бомбани рюкзакда олиб келгани айтилмоқда.

У теракт ижрочилигида асосий гумондорга айлангач, полиция унинг ёлғиз ҳаракатлангани ёки гуруҳ топшириғини бажаргани юзасидан текширув олиб бормоқда.

Эслатиб ўтамиз, Manchester Arena стадионида 22 май куни Ариана Гранденинг концерти вақтида портлаш содир бўлди. Охирги маълумотларга кўра, портлаш оқибатида 22 киши ҳалок бўлган, 59 киши жароҳатланган. Теракт учун жавобгарликни ИШИД ўз зиммасига олган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 31975 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 17805 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 69123 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 58355 Жамият
Тошкент ва Душанбе ўртасидаги парвозлар жадвали ўзгарди
Комилов Ҳиндистон вице-президенти билан музокарада. Икки давлат ўртасида товар айирбошлаш ҳажми оширилади
Журналист ЎФФ матбуот хизматини ёлғончиликда айблади
12:20 4341 Спорт
Тошкентдаги Mobicon 2017’да Google, Яндекс, Одноклассники ва UFOX вакиллари чиқиш қилади
Электр энергиясининг намунали истеъмолчилари рағбатлантирилади
Трамп АҚШ ҳукуматини ёпиш билан таҳдид қилди
10:50 9966 Жаҳон
Кўпроқ янгиликлар