МДҲ давлатлари махсус хизматлари раҳбарлари Сурия ва Ироқдаги жангариларга кишиларни ноқонуний юбориш каналларига алоқадор шахсларни аниқлаш масаласини муҳокама қилади. ТАСС’нинг Россия Федерал хавфсизлик хизмати жамоатчилик билан алоқалар марказига асосан хабар қилишича, бу масала бугун Бишкек шаҳрида бўлиб ўтадиган МДҲ давлатлари махсус ва хавфсизлик хизматлари раҳбарлари Кенгашининг 42-йиғилишида энг асосий мавзулардан бири бўлади.

"Кузатувчи сифатида Германия, Испания, Италия, Сербия ва Франциядан бўлган делегациялар иштирок этади", - дея таъкидлаб ўтишган ФХХда.

Йиғилиш қатнашчилари асосий эътиборни МДҲ давлатлари махсус хизматларининг терроризм ва трансчегаравий уюшган жиноятчилик билан курашдаги ҳамкорлик масаласига қаратишади. "МДҲ давлатлари ҳудудлари орқали ноқонуний миграция транзит каналларининг ишлашига алоқадор бўлган шахслар, шунингдек, бу давлатлар фуқароларининг Сурия ва Ироққа халқаро террорчилик ташкилотлари таркибида жанговар ҳаракатларда иштирок этиш учун чиқиб кетиш йўллари бўйича маълумот алишишни янада кучайтиришни муҳокама қилиш режалаштирилган", - дея айтиб ўтишган ФХХда. Жангарилар фаолиятини тўхтатиш бўйича қўшимча чоралар ишлаб чиқилади.

Бундан ташқари, жорий йилнинг июнь-июль ойларида ФИФА конфедерациялар кубоги ўтказилиши арафасида муҳим сиёсий, спорт ва бошқа халқаро даражадаги тадбирларда хавфсизликни таъминлаш масалалари бўйича тажриба алмашиш мўлжалланган.