Непал бош вазири Пушпа Камал Дахал чоршанба куни ўз истеъфоси ҳақида маълум қилди, деб хабар бермоқда Kathmandu Post нашри. 

“Непал коммунистик партияси (маочилар маркази)” етакчиси Дахал ҳукумат тепасига ўтган йилнинг 4 август куни иккинчи бор келганди. Бу маочиларнинг “Непал коммунистик партияси” билан коалициядан чиққанидан сўнг юз берди, шундан кейин Кхагда Прасад Оли ҳукумати истеъфога чиқди. Маочиларнинг коалициядан чиқишига коалицион келишувнинг бажарилмагани, хукуматнинг 2015 йилги кучли зилзиладан сўнг мамлакатни тиклаш бўйича саъй-ҳаракатлари самарасизлиги ва ижтимоий сиёсатдаги омадсизликлар сабаб бўлди.

Маочилар асосий мухолифат партия Непал конгрессиси билан бирлашди ва парламентнинг қатор кичик партиялари қўллаб-қувватлови билан янги ҳукуматни ташкил этишди. Шу билан бирга, Непал конгресси етакчилари ва маочилар сиёсий келишувга эришишди, унга кўра, бош вазир лавозимига аввал Дахал, тўққиз ойдан сўнг эса – Конгресс вакили тайинланади. Нашр Дахалнинг истеъфосини айнан шу келишувга боғлади – унинг лавозимига киришганига тўққиз ойдан кўпроқ вақт ўтди. Конгресс етакчиси Шер Баҳодир Деуба янги бош вазир бўлиши эҳтимолга яқин.

Дахалнинг миллатга йўллаган телемурожаатда маълум қилишича, шу тариқа “Непал сиёсатидаги узоқ “ишонч қурғоқчилигига” якун келади”, деб ёзади нашр.