АҚШ президенти Дональд Трамп ўзининг филиппинлик ҳамкасби Родриго Дутертени "гиёҳванд моддаларга қарши ақл бовар қилмас иши" учун мақтади. Бу ҳақда The New York Тimes нашри ёзмоқда.

Дутерте "гиёҳванд моддалар халқининг бошига тушган бало эканлиги ва ўз фуқаролари саломатлигини сақлаб қолиш учун барча ишни қилиши" билан жавоб берган.  

"Бизда буни англамаган президент бўлган эди, мен эса буни англайман", деб айтди Трамп АҚШнинг собиқ президенти Барак Обамани назарда тутиб.

Таъкидланишича, юқорида келтирилган парча Трампнинг Дутерте билан 29 апрелдаги суҳбати стенографиясининг бир қисми бўлган. Бу суҳбатни Филиппин ташқи ишлар вазирлиги департаменти ошкор қилган. Трамп маъмуриятининг юқори лавозимли вакили бу маълумотлар аниқлигини тасдиқлаган.  

Аввалроқ Трамп Дутерте билан суҳбатда Шимолий Корея раҳбари Ким Чен Инни "ақлдан озган" деб атагани маълум қилинганди.