Халқаро пресс-клубда Ўзбекистон енгил саноатининг истиқболи ҳақида фикр юритилди

Ўзбекистон 25 Май 2017 3071

2017 йил 24 май куни Халқаро пресс-клубнинг (ХПК) навбатдаги йиғилиши бўлиб ўтди. Тадбирда  «Ўзбекенгилсаноат» АЖ бошқарув кенгаши раиси маслаҳатчиси Расул Содиқов, «Осиё рамзи» Ўзбекистон дизайнерлар уюшмаси раиси Ҳолида Комилова ва «Истиқлол текстил дизайн» МЧЖ вакили, енгил саноат компаниялари вакиллари, экспертлар ҳамда ОАВ ходимлари иштирок этишди.  

Бугунги пресс-клубнинг асосий мавзуси «Болажонлар-ширинтойлар» номли болалар модаси фестивали ҳамда юртимизда енгил ва тўқимачилик саноатининг ривожланиши ҳақида бўлди. 

“2017-2021 йилларда Ўзбекистон Республикасини янада ривожлантиришнинг бешта устувор йўналиши бўйича ҳаракатлар стратегияси”да таъкидланган вазифалар орасида, алоҳида эътибор мамлакатнинг экспорт қилиш салоҳиятларини кенгайтириш ҳамда жаҳон бозорларига жўнатилаётган юқори устки нарҳли маҳсулотлар кўламини ошириш турибди. Бунинг учун хомашёни чуқур қайта ишлаш йўли орқали саноатни янги босқичга кўтариш лозим бўлади. 2017 йил учун тайёр текстил ва тикув-трикотаж молларини ишлаб чиқаришга 178 миллион долларли 15 та йирик лойиҳа режалаштирилган.

2017–2019 йилларда тўқимачилик ва тикув-трикотаж саноатини янада ривожлантириш чора-тадбирлари дастурига мувофиқ, 112 та замонавий, юқори технологик ишлаб чиқариш объекти қурилади, 20 та фаолият кўрсатаётган объектнинг ишлаб чиқариш қуввати техник қайта жиҳозланиб, модернизация қилинади. Буларнинг барчаси қўшимча 25 мингта янги иш ўринини яратади.

Текстил соҳаси ривожланишининг яна бир муҳим омили – бу маҳаллий ишлаб чиқарувчиларнинг халқаро кўргазмалардаги иштироки ва миллий ярмаркаларни ташкил этишдир. Ўтган йилда 21 та кўргазмада иштирок этиш 1 млрд доллар қийматдан кўп бўлган шартномаларни имзолашга сабаб бўлди. Ушбу йилда Ўзбекистонлик тадбиркорларни 26 та халқаро кўргазмаларда иштирок этиши, бундан ташқари, мамлакатимизда ҳар йили ярмарка ва кўргазмалар ўтказиш режалаштирилмоқда.

 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34784 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73286 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10834 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 137955 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 724 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2754 Жамият
Виталий Денисов футболга қайтганидан хурсанд
02:29 1626 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 2009 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар