Рустам Азимов: “Иқтисодиётимизга йўналтирилган турк инвестициялари ҳажми 1 миллиард доллардан ошди”

Ўзбекистон 25 Май 2017 10331

Бугун, 25 май куни Тошкент шаҳрида Ўзбекистон ва Туркия ўртасидаги савдо-иқтисодий ҳамкорлик бўйича IV Ҳукуматлараро комиссия йиғилиши бўлиб ўтди. Йиғилиш Ўзбекистон Республикаси бош вазири ўринбосари Рустам Азимов ва Туркия бош вазири ўринбосари Йилдирим Тугрул Туркеш раислиги остида ўтказилди. Шунингдек, йиғилишда икки мамлакат вазирлик, идора ва ташкилотлар раҳбарлари ҳамда масъул ходимлари ҳам иштирок этишди. 

Кун тартибига мувофиқ, йиғилиш давомида савдо-иқтисодий, сармоявий, молиявий, техник ҳамкорлик, туризм, транспорт, коммуникациялар соҳасидаги алоқаларнинг ҳозирги ҳолати ва истиқболлари кўриб чиқилди. 

“Ҳозирги вақтда Ўзбекистонда 450га яқин турк компания ва фирмалари иш олиб бормоқда. Иқтисодиётимизга йўналтирилган турк инвестициялари ҳажми 1 миллиард доллардан ошди. Ўзбекистон Республикаси Президенти таъкидланганидек, биз илғор турк бизнесининг Ўзбекистондаги фаолиятини янада кенгайтиришдан, кенг кўламли ва муҳим аҳамиятга эга лойиҳалар сонини оширишдан манфаатдормиз”, - дея қайд этди Ўзбекистон Республикаси бош вазири ўринбосари Рустам Азимов ўз нутқида.

Турк корхоналари бой тажриба ва замонавий технологияларга эга эканлигини ҳисобга олган ҳолда, Ўзбекистон томонидан қуйидаги соҳаларда инвестиция ҳамкорлигини янада ривожлантириш таклиф этилди:
- электртехника маҳсулотлари;
- пахта хомашёсини чуқур қайта ишлаш орқали тайёр текстил маҳсулотлари;
- пойабзал ва тайёр чарм маҳсулотлари;
- замонавий қурилиш материаллари;
- халқ истеъмол моллари;
- озиқ-овқат маҳсулотлари;
- дори воситаларини ишлаб чиқариш.

Бугунги кунда Ўзбекистонда турк капитали иштирокидаги 441 корхона, шу жумладан, 100 фоиз турк капиталига асосланган 94 корхона фаолият юритмоқда.

Комиссия якунлари бўйича икки томонлама кўп режали ҳамкорликнинг кейинги ривожи бўйича аниқ ва муҳим келишувларга эришилди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 9877 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 22786 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 45469 Жамият
Кун.uz офис изламоқда
15:48 / 06.08.2017 46887 Lifestyle
Сайёҳлар энг кам борадиган давлат номи маълум қилинди
13:42 0 Lifestyle
«Ўзсаноатэкспорт» маҳаллий экспорт қилувчиларга ёрдам беради
Газ идорасига тилла буюмлар орқали тўловни амалга оширишини ваъда қилган фирибгар аёл ушланди
13:33 173 Жамият
Самарқанд шаҳри ҳокими ўзгарди: Раҳимов ўрнига бошқа Раҳимов
ТИВда Россия парламент делегацияси билан учрашув ўтказилди
Уйни воситачисиз сотиш усуллари – ҳужжатлар
13:20 681 Жамият
Кўпроқ янгиликлар