Ўзбекистон хусусийлаштирилган корхоналарга кўмаклашиш ва рақобатни ривожлантириш Давлат қўмитаси тузилмасида тадбиркорлик фаолияти асосларини ўқитиш Республика маркази ташкил этилмоқда. Бу ҳақда қўмита матбуот хизмати Вазирлар Маҳкамасининг 18 апрелдаги қарорига асосан хабар берди.

Марказ хусусийлаштирилган корхоналар негизида лойиҳаларни амалга ошираётган тадбиркорлар учун ўқув курслари ташкил этади. Улар бизнес юритиш асослари, бизнес-режаларни ишлаб чиқиш, тадбиркорлик фаолиятидаги қонунчилик, менежмент, молиявий бошқарув ва бошқа йўналишлар бўйича ўқитилади.

Марказ тадбиркорларга ходимларни танлаш ва уларни ўқитиш ҳамда профессионал малакасини оширишда ҳам кўмак кўрсатади.

Тадбиркорлик фаолияти асосларига ўқитиш Республика маркази қуйидаги манзил бўйича жойлашади: Тошкент шаҳри, Чиланзор тумани, Ислом Каримов кўчаси, 55 уй.