Тошкент вилоятида 8 кунлик чақалоқни сотаётганлар қўлга олинди.Тошкент вилоятининг Ўртачирчиқ туманида одам савдосини амалга ошириш жиноятига чек қўйилган. Туман ҳуқуқни муҳофаза қилувчи органлар томонидан ҳамкорликда ўтказилган тадбир натижасида бир неча кунлик чақалоқ “олди-сотдиси”нинг олди олинди.

Вилоят ИИБ матбуот хизматининг маълум қилишича, 2017 йил 20 апрель куни Ўртачирчиқ тумани тиббиёт бирлашмасига қарашли туғруқхонада ҳамшира бўлиб ишловчи 1967 йилда туғилган Г.Олимова (исмлари ўзгартирилган) шу туманда яшовчи 1996 йилда туғилган Г. Очилова ва унинг онаси 1972 йилда туғилган М. Очиловалар олдиндан жиноий тил бириктиришган. Улар Г. Очилованинг шу йил 12 апрель куни туғилган қиз фарзандини Ўртачирчиқ тумани тиббиёт бирлашмасига қарашли туғруқхона ҳовлисида 100 АҚШ доллари ва 900 000 сўмга сотаётган вақтда ушланган.