Божхоначилар 1,5 млрд сўмлик контрабанда товарларни фош қилишди

Жамият 26 Май 2017 7692
Фото:customs.uz

Яқин Бухоро вилоятидаги “Олот” чегара божхона комплекси ходимлари хорижий фуқаро К.Тахсин бошқарувида Туркиядан республикага кириб келган юк автотранспорт воситасини ўрнатилган тартибда мобил инспекцион-текширув аппарати кўмагида божхона назоратидан ўтказишганида навбатдаги божхона қоидабузарлигини фош қилишди.

Йўл-юк кузатув ҳужжатларига кўра, Тошкент шаҳридаги “Adamant Mega Trade” фирмаси номига келтирилаётган ушбу контейнерда аслида қиймати салкам 6,5 минг АҚШ долларини ташкил қилувчи 16 тоннадан ортиқ оғирликдаги тўқимачилик маҳсулотлари ва болалар кийим-кечаклари бўлиши лозим эди.

Аммо, божхона кўриги давомида контейнердаги товарлар билан йўл-юк кузатув ҳужжатларидаги маълумотлар ўртасида кескин тафовут мавжудилиги аниқланди. Содда қилиб айтганда мазкур товарлар ҳужжатлардагидан кўра ҳаддан ташқари ортиқча миқдорда эканлиги маълум бўлди.

Ҳисоб-китобларга кўра, йўл-юк кузатув ҳужжатларидан қайд этилмаган товарларнинг умумий миқдори 868 млн. 465 минг сўмни ташкил қилди. Шу тариқа қонунбузарлар давлат бюджетига ундирилиши лозим бўлган 105 млн. сўмдан ортиқ божхона тўловларидан қочишга уринишган.

Бухоро вилояти божхона бошқармасининг “Хўжадавлат” темир йўл чегара божхона постида ҳам шу турдаги яна бир божхона қоидабузарлиги фош қилинди.

Мазкур постда республикага кириб келган юк поезди белгиланган тартибда божхона кўригидан ўтказилганда, вагонлардан бирига ортилган минерал сувлар божхоначиларнинг диққатини тортди.

Бир қарашда йўл-юк кузатув ҳужжатларида қайд этилган товар билан вагонга ортилган товар бир хил эканлиги боис ҳеч қандай қонунбузарлик аломати сезилмайди. Ваҳолангки, божхона кўриги давомида бутунлай бошқа манзара намоён бўлди.

Грузиядан пойтахтдаги “Best Energy Business” масъулияти чеклаган жамияти номига юборилган мазкур юкларга тегишли ҳужжатларга кўра, ушбу вагондаги 63 тоннадан ортиқ минерал сувлар ярим литрлик идишларга қадоқланган бўлиши лозим эди. Аммо, контейнердаги қиймати салкам 741 млн. сўмлик ичимликлар эса бутунлай бошқа сиғимдаги идишларга қадоқланган экан.

Божхоначиларнинг кўзини шу тариқа шамғалат қилишга уринган қонунбузарлар бу усуллари билан давлат бюджетига ундирилиши лозим бўлган 63 млн. сўмдан ортиқ божхона тўловларидан бўйин товлашган.

Ҳозирда юқоридаги ҳолатлар бўйича терговга қадар божхона текширувлари ва суриштирув ҳаракатлари олиб борилмоқда.

Таъкидлаш жоизки, жорий йилнинг ўтган даври мобайнида биргина Бухоро вилояти божхона бошқармаси ходимлари томонидан ҳуқуқни муҳофаза қилувчи бошқа идоралар вакиллари билан ҳамкорликда аниқланган 466 та божхона қоидабузарликлари натижасида 3 млрд. сўмдан ортиқ қийматдаги товар-моддий бойликларнинг ноқонуний олиб ўтилишига чек қўйилган.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 47441 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 64081 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34828 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19841 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 75451 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60359 Жамият
Ҳамза Жумаев телевидениега қайтди
18:38 1227 Жамият
АҚШ миллий разведкаси собиқ раҳбари: Трампнинг Финиксдаги чиқиши кишини қўрқитмоқда
18:33 393 Жаҳон
«Реал» Иско учун космик нарх белгилади
18:29 1615 Спорт
Хоразмда жиноятчиликка қарши ёшлар акцияси бўлиб ўтди
18:29 224 Жамият
Кўпроқ янгиликлар