Мардон Фармонов 2016 йилда Жиноят ишлари бўйича Жондор туман Суди томонидан Ўзбекистон Республикаси Жиноят Кодексининг 169-моддаси 2-қисмида кўрсатилган жиноятни содир этганлиги учун айбли деб топилиб, унга нисбатан ҳар ойлик иш ҳақининг 20 фоизини давлат ҳисобига тўлаш шарти билан 3 йил муддатда ахлоҳ тузатиш ишлари жазоси тайинланган эди, деб хабар берди Кун.uz’га Бухоро ИИБ.

2016 йилнинг 2 декабр куни Жондор тумани “Саид Ҳамроев мевазори” фермер хўжалигиги ишчи вазифасида ишга жойлаштирилган маҳкум Мардон Фармонов ишга чиқмасдан, амалдаги қонунчилигимизни назар писанд қилмай ўзбошимчалик билан турли баҳоналарни рўкач қилиб ўз иш жойини тарк этиб, доимий равишда спиртли ичимликлар истеъмол қилиб юрганлиги, қўни-қўшнилари, қариндошлари билан мунтазам равишда жанжаллашиб келганлиги, ахлоқ тузатиш ишлари жазосини ўташнинг белгиланган тартиб-қоидаларини бузиб, ИИБ рухсатисиз яшаш уйини доимий равишда тарк этиб келганлиги, жазо ўташдан бўйин товлаб ўзига тегишли хулоса чиқармаганлиги сабабли Жондор туман ИИБ бошлиғининг Жиноят ишлари бўйича туман суди раиси номига йўлланган тақдимномасига асосан ўтказилган “Сайёр суд” мажлисида маҳкум Мардон Фармоновнинг ўталмай қолган 2 йилу 10 ой ахлоқ тузатиш ишлари жазоси Суд қарорига асосан озодликдан маҳрум қилиш жазосига алмаштирилди.