Коста-Рикада пушти ананасларни етиштириш бўйича 12 йиллик тажриба ўз якунига етди. Олимлар томондан ўтказилган мураккаб тажрибалар муваффақиятли якунланиб, антиқа рангли ананас сотувга чиқарилди. Пушти ананас энг кўп суратга олинувчи ва энг  инстаграмбоп мева деб эътироф этила ҳам бошланди.

Пушти ананасни етиштириш билан кўп йиллар давомида Del Monte Foods компанияси шуғулланган. 2016 йил охирида компания вакиллари янги мева халқаро сифат сертификатини олганини маълум қилишган. Жорий йил май ойида компания ходимлари пушти ананаслар бошқа давлатларга етказилишга тайёрлигини тантанали равишда эълон қилишди.

Ноодатий ананаснинг илк харидорлари томондан унинг инстаграмда чоп этилаётган суратларига кўра, ананас Жанубий Америка, Гавайи ва АҚШнинг Флорида штатида сотилмоқда. Эътиборлиси, ушбу антиқа ананас нафақат озиқ-дўкон дўконларида, балки гул дўконларида ҳам таклиф қилинмоқда: ундан турли композицияларни яратишда фойдаланилмоқда.