Наманганда сув муаммоси: ҳокимият ва мутасадди ташкилотлар ўз муносабатини билдирди

Жамият 26 Май 2017 12613

Кун.uz таҳририяти Наманганга қилган ижодий ташрифи давомида вилоят аҳолисини ўйлантириб келаётган масалалар билан қизиқди. Ана шундай долзарб муаммолардан бири бу – тоза ичимлик суви масаласи эди. Бу борада ижодий жамоанинг илк манзили Наманган шаҳри “Гўзал” массиви Меҳнатобод маҳалласи Баҳористон кўчаси бўлди. Бу ерда яшовчи аҳоли вакиллари бир неча йилдан бери тоза ичимлик суви йўқлигидан қийналиб келаётганини хабар қилишганди. Фуқаролардан бири аҳоли номидан 4-5 марта мутасадди раҳбарларга мурожаат қилса ҳам, вилоят ҳокими Хайрулло Бозоров қабулига икки маротаба кириб ҳам ушбу муаммога ечим топа олмаган. 

Вазиятни янада ойдинлаштириш учун Баҳористон кўчаси аҳолиси билан суҳбатлашилди. Сув билан боғлиқ муаммо жуда ҳам долзарб эканлиги ойдинлашди. Мана шу масалага доир “6 йил сувсиз. Наманганда асрга хос бўлмаган манзаралар” сарлавҳали мақола сайт орқали эълон қилинди.

Иккинчи манзил эса, вилоятнинг Тўрақўрғон тумани, “Бахт” маҳалласи бўлди. Гап шундаки, бу ерда истиқомат қилиб келаётган аҳоли 20 йилдан зиёд вақт мобайнида тоза ичимлик суви ичмайди. Бу ерда яшовчи аҳоли маҳалла орқали ўтган ариқда келадиган сувни истеъмол қилади. Аммо ана шу сув ҳам бир ҳафтада ёки ўн кунда бир-икки марта берилади. Ушбу муаммога бағишланган “Ҳайрат ва ҳолат: Одамлар қачонгача ариқдан сув ичади?” сарлавҳали мақоласи ўқувчилар эътиборига ҳавола этилган эди

Бундан ташқари, вилоятнинг Тўрақўрғон тумани, Шаҳанд қишлоғидан ва Поп тумани, Тўда қишлоғидан тоза ичимлик суви муаммосига бағишланган мурожаатлар таҳририят почтасига келиб тушган.

Биз вилоятдаги тоза ичимлик суви муаммоси юзасидан вилоят ҳокимлиги ва мутасадди ташкилотларга юзландик. Улар юқоридаги ҳолатлар ва вилоятдаги тоза ичимлик суви билан боғлиқ режалар ҳақида маълумот тақдим этишди.

“Вилоятда истеъмолчиларга ичимлик сувини етказиб бериш учун умумий узунлиги 4884,7 км тармоқлар ҳамда 493 та сув олиш ҳамда 39 та сув узатиш иншоотларидан фойдаланилади. Ёки туман марказларида яшовчи аҳоли кичик қувватли сув иншоотлари орқали таъминланса, қишлоқ жойларидаги истеъмолчилар эса ҳудудлардаги алоҳида тик қудуқлар орқали таъминланади. 

Вилоят аҳолиси, айниқса, Наманган шаҳрини ичимлик суви билан таъминлашда қатор мураккаб босқичлар амалга оширилади. Биргина, мисол. Вилоят марказининг ўзига хос рельеф шароитига кўра, ичимлик суви “Жийдакапа” ҳамда “Қизил ровот” сув олиш иншоотлари орқали “Курашхона”, “Пахталикўл”, “Оромгоҳ”, “Мингчинор”, “Мустақиллик”, “Ғирвонсой”, “Қуқумбой”, “Нуробод”, “Ровустон”, “Тўқувчи” каби сув узатиш иншоотлари тармоқлари орқали кўтариб, кейин истеъмолчиларга етказиб берилади. 

2015-2016 йилларда Наманган шаҳар ва  барча туманларда Инвестиция дастурига асосан умумий қиймати 32,7 миллиард сўмга тенг бўлган 2 та янги сув тарқатиш иншооти қурилиб, 2 таси реконструкция қилинди, 140,7 километр сув қувурлари қурилиши натижасида 419 минг аҳолининг ичимлик сув таъминоти яхшиланди. Жорий йилда эса аҳолини ичимлик суви таъминотини яхшилаш бўйича 2017 йил дастурига асосан янги тармоқ ва иншоотлар қуриш хамда реконструкция қилиш ишларига 27.8 млрд сўм маблағ ажратилган.

- Ушбу қарорга асосан 2017-2021 йилларда “Наманган шаҳрининг ичимлик ва оқава сув тизимларини реконструкция қилиш лойиҳаси"га жами 160 млн., Европа тикланиш ва тараққиёт Банкининг 140 млн. АҚШ доллари миқдорида маблағларини жалб этиш режалаштирилган, - дейди вилоят “Сувоқава” давлат унитар корхонаси директори Мухамадаюбхўжа Апақов. - Агар амалга ошириладиган ишларга тўхталадиган бўлсак, Наманган шаҳрини ичимлик суви билан таъминловчи 3 та сув олиш ва 10 сув узатиш иншоотлари тўлиқ реконструкция ва модернизация қилинади. 37 км узунликда “Учқўрғон-Наманган” магистрал тармоғининг 2-навбати қурилади. 65,2 км магистрал ва кўча тармоқлари реконструкция қилинади. Шунингдек, Наманган шаҳар оқава сувларни тозалаш иншоотини  реконструкция қилиш ҳисобига қуввати, 90 минг м3/суткадан 150 минг м3/суткага етказилади. Бундан ташқари, 19 км. узунликда Жанубий коллектор ҳамда 5 км. узунликда “Уйчи-Наманган” коллекторининг қурилиши якунланмай қолган қисмини қуриш ишлари бажарилади.

Шу ўринда “Ровот” сув олиш иншооти ва “Ровот-Тўрақўрғон” магистрал тармоғида 2017-2018 йилларда амалга ошириладиган йирик лойиҳага тўхталсак. Лойиҳага кўра 1 ва 2-босқичда 24 км. магистрал тармоқни алмаштириш, шунингдек, “Ровот” сув олиш иншоотини тўлиқ қайта реконструкция қилиш ишлари олиб борилади. Умумий қиймати қарийиб 27 миллиард сўмдан иборат мазкур лойиҳа доирасида 10,2 км узунликда заҳира электр тармоғи тортилади, 17 та тик қудуқ реконструкция қилинади ва замонавий насос билан жиҳозланади. Бундан ташқари, 3 та нимстания ўрнатилади. Лойиҳа амалга оширилиши ҳисобига 156,5 минг нафар аҳоли тоза ичимлик суви билан таъминланади. Бир кишининг кунлик истеъмоли 50 литрдан 110-150 литрга етади.

Шунингдек, вилоятда қатор халқаро молия институтлари иштирокида ҳам истиқболли дастурлар амалга оширилмоқда. Хусусан, қиймати 49,6 млн. АҚШ доллар бўлган “Заркент, Ходикент, Исковот, Булоқбоши, Бўстон, Ёшлик қишлоқлари ичимлик сув таъминотини яхшилаш” лойиҳасига 2017-2020 йилларда Араб Координация Гуруҳининг ОПЕК Ривожлантириш Фондининг имтиёзли кредитларини жалб этиш белгиланган. Ёки лойиҳа қиймати 80 млн. АҚШ долларни ташкил этувчи “Чуст, Поп, Чортоқ, Наманган ва Учқўрғон туманлари ичимлик сув таъминотини яхшилаш” лойиҳасига 2017-2020 йилларда Халқаро Молия Институтларининг имтиёзли кредитларини жалб этиш кўзда тутилган ва Абу-Даби Ривожлантириш Фонди иштирокида амалга ошириладиган лойиҳалар таркибига киритилди.

Яна бир муҳим омил. Корхонада фуқароларнинг мурожаатлари билан ишлашга ҳам алоҳида аҳамият қаратиб келинмоқда. Бунинг учун корхона ва унинг бўлимлари алоҳида фуқароларни қабул қилиш хоналари ташкил этилган. Ҳар бир мурожаатни ўз ўрнида ва сифатли қилиб ўрганиш, аниқланган ҳолатларни бартараф этиш чоралари кўрилмоқда. Хусусан, жорий йилнинг 15 май кун “KUN.UZ” сайти таҳририяти ижодий ходимлари томонидан Наманган шаҳрининг Меҳнатобод маҳалла фуқаролар йиғини  Баҳористон кўчасида яшовчи аҳоли вакиллари бир неча йилдан бери тоза ичимлик суви йўқлигидан қийналиб келаётгани ҳақида мурожаатлари асосида тайёрланган “6 йил сувсиз. Наманганда асрга хос бўлмаган манзаралар” номли мақолада билдириб ўтилган камчиликларни бартараф этиш бўйича ишчи гуруҳ томонидан камчиликларни бартараф этиш чоралари кўрилди. Жумладан, аҳолини тоза ичимлик суви билан таъминлаш мақсадида  диаметри Д-76 мм бўлган узунлиги 200 метрли полиэтилен сув қувури тортиб берилди. 18 май куни сайт орқали эълон қилинган “Ҳайрат ва ҳолат: Одамлар қачонгача ариқдан сув ичади” номли мақола ҳамда видеолавҳада билдириб ўтилган фикр-мулоҳазалар шу куни Ишчи гуруҳ томонидан ўрганилди. “Бахт” маҳалласида яшовчи аҳолини ичимлик сув таъминотини яхшилаш мақсадида 2007 йилда қўшимча ажратилган 6 млн. сўм бюджет маблағлари ҳисобидан 930 метр ичимлик сув тармоғи тортилган. 2014 йилда эса Инвестиция дастурига асосан 455,3 млн.сўм маблағ эвазига Тўрақўрғон-Косонсой ва Наманган-Чуст автомобиль йўли кесишмаси ёнида янги “Чусткўприк” сув узатиш иншооти қурилган. 2016 йилда “Маҳалла” ҳайрия жамоат фонди ҳамда вилоят “Сувоқава” ДУКнинг  43,1 млн.сўм маблағлари ҳисобидан “Бахт” сув тарқатиш иншоотидан “Бахт” маҳалласигача тортилган 800 метр узунликдаги яроқсиз ҳолга келган Д-100 мм ичимлик сув тармоғи янгисига алмаштирилган. 

Бугунги кунда маҳалладаги жами 7 та кўчанинг 3 тасида яшовчи аҳолига ичимлик суви белгиланган жадвал асосида етказиб берилмоқда. Бундан ташқари эса  “Ўзбекистон темир йўллари” АКга ажратилган махсус сув ташувчи автотранспорт ёрдамида аҳоли тасдиқланган жадвал асосида ичимлик суви билан таъминланмоқда.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 94121 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46078 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51344 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9176 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20023 Ўзбекистон
Бразилия полицияси мавжуд бўлмаган спортчиларда пул қилган гуруҳни аниқлади
00:50 141 Жаҳон
Барселонада “Европанинг исломлашувига” қарши намойиш тарқатиб юборилди
00:40 531 Жаҳон
Олий Мажлис сенаторларидан бирининг ваколати муддатидан аввал тугатилди
Трамп ўзининг бош маслаҳатчаларидан бирини бўшатишга қарор қилди
00:24 389 Жаҳон
Дунёдаги энг кекса қочқин аёлга Швецияда бошпана бериш рад этилди
00:11 1314 Жаҳон
Кўпроқ янгиликлар