Буюк Британия АҚШдан янги кафолатлар олиб, у билан Манчестердаги терактни тергов қилиш бўйича разведка маълумотлари билан бўлишишни қайта бошлади. Бу ҳақда Скотланд-Ярднинг аксилтеррорчилик бўлими бошлиғига иқтибос келтирган ҳолда "Пресс Ассошиэйшн" ахборот агентлиги маълум қилди. 

"Биз бутун дунёдаги яқин ҳамкорларимиз билан муносабатларни жуда қадрлаймиз, бу эса террорчилик билан курашишда ҳамда мамлакатимиздаги ва хориждаги одамларни ҳимоя қилишимиз учун бизга ҳамкорлик қилиш ва махфий ахборот билан бўлишишга имкон беради", деб айтди аксилтеррорчилик бўлими бошлиғи Марк Роули.

"Биз одатда халқаро ҳуқуқ-тартибот идоралари билан ахборот бўлишиш ҳақидаги келишувларимизга изоҳ бермасак-да, биз шуни қайд қилишни истардикки, янги кафолатлар олиб, ҳозир бутун бунё бўйлаб асосий ҳамкорларимиз, жумладан "Бешта кўз" разведка альяняси бўйича ҳамкорлар билан ҳам яқиндан ишламоқдамиз", деб айтди Роули. "Бешта кўз" альянсига АҚШ, Буюк Британия, Австралия, Канада ва Янги Зеландия киради.  

Аввалроқ Британия ички ишлар вазири Амбер Радд ОАВда Манчестердаги терактни тергов қилиш бўйича разведка ахборотидан парчаларнинг АҚШдаги манбаларга иқтибос келтирилган ҳолда пайдо бўлишини "куракда турмайдиган ҳолат" деб атаганди.

Шу муносабат билан Буюк Британия бош вазири Тереза Мэй 25 май куни АҚШ президенти Дональд Трамп билан учрашувда унга разведка маълумотлари ташқарига чиқиб кетиб кетмаслиги кераклигини уқдириб қўйишини айтганди.