Саҳродаги теракт: Мисрда ўнлаб зиёратчилар ҳужум қурбонига айланди

Жаҳон 26 Май 2017 12264

Мисрда христиан зиёратчиларнинг икки автобуси портлатилиши оқибатида камида 26 киши ҳалок бўлиб, 26 киши жароҳатланди. Жароҳатланганларнинг кўпчилиги оғир аҳволда қолмоқда. Баъзи манбаларга кўра, қурбонлар сони 35 нафарга етган. қурбонлар орасида болалар ҳам бор.

Бугун, 26 май кунининг биринчи ярмида Ал-Минья вилояти ҳудудида Муқаддас Самуил монастирига йўл олган христиан-коптларга икки йўлтанламас автомобилда бўлган камида 10 жангари ҳужум қилган. Бу ҳужум Мисрда камчиликни ташкил қилувчи коптларга қилинган навбатдаги йирик ҳужум бўлди. Автобуслардан бирида 40 нафар бола бўлган, иккинчисида ёши катталар жойлашганди.

Ҳозирча бу ҳужум учун ҳеч бир гуруҳ масъулиятни зиммасига олмади.

Айни вақтда ҳодиса ҳудуди ўраб олинган, ҳужум қилувчилар қидирилмоқда.

Миср президенти Абдулфаттоҳ ас-Сисий ушбу ҳодиса туфайли мамлакат миллий хавфсизлик хизматининг шошилинч йиғилишини чақирди.

Мисрда 9 миллионга яқин христиан яшайди. Уларнинг аксари копт маҳзабида. Бу тоифа охирги вақтларда кўп марта ҳужумга йўлиқмоқда.

9 апрель куни коптларда серияли ҳужумлар уюштирилганди. Ўшанда Тантдаги Муқаддас Георгий ва Александриядаги Муқаддас Марк черковларига худкуш террорчилар ҳужумлар қилганди. Оқибатда 40дан ортиқ киши ҳалок бўлиб, 100дан ортиқ киши жароҳатланганди. Бу ҳужум учун жавобгарликни ИШИД ўз зиммасига олган.

2016 йилнинг декабрида эса Қоҳирадаги коптлар соборида портлаш рўй берган, ҳужум оқибатида 22 киши ҳалок бўлиб, 57 киши жароҳатланганди.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 47932 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 64447 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34943 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19946 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 75709 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60451 Жамият
Оқ коала ижтимоий тармоқларда сенсацияга айланди
19:05 79 Жаҳон
Инсон органлари, тўқималари ва ҳужайраларини трансплантация қилиш ҳақидаги қонун лоийҳаси муҳокамага қўйилди
Австралия қаҳрамони 2 миллион боланинг ҳаётини сақлаб қолди (фотожамланма)
19:01 311 Жамият
Деҳлида Ўзбекистон-Ҳиндистон бизнес-форуми бўлиб ўтди
Кўпроқ янгиликлар