Техасда 30 йил аввал ёш болани ўлдирганликда айбланиб жазо муддатини ўтаётган собиқ ҳамшира Женин Жонс камида 60 нафар боланинг ўлимига алоқадор бўлиши мумкин. Бу ҳақда Франс Пресс агентлиги хабар берди.

Фото:  Женин Жонс

"Жонс камида 60 нафар боланинг ўлимида гумонланмоқда", - дейилади Сан-Антонио округ прокурори сайтида эълон қилинган баёнотда.

Айни дамда Женин Жонс 1984 йилда амалга оширилган жиноят учун жазо муддатини ўтамоқда. У 15 ойлик болани ўлимида айбланиб, 99 йилга озодликдан маҳрум этилган. Шунингдек, у махсус дори воситаси орқали бошқа бир боланинг ҳаётига суиқасд қилган, аммо у омон қолган, дея таъкидлайди агентлик.

Бундан ташқари, Жонсга аввалроқ уч йил олдин яна бир болани ўлдирганлик бўйича айбловлар қўйилган.