G7 yetakchilari terrorchilikka qarshi kurashish haqidagi deklaratsiyani imzolashdi

"Katta yettilik" yetakchilari terrorchilikka qarshi kurashni yanada yuqoriroq darajaga olib chiqishmoqchi. Bu haqda dunyoning sanoat jihatdan eng rivojlangan 7 ta davlati – Buyuk Britaniya, Germaniya, Italiya, Kanada, AQSh, Fransiya va Yaponiya yetakchilari sammiti doirasida bo‘lib o‘tgan ishchi sessiyasi yakunlariga ko‘ra imzolangan Terrorchilik va qurolli ekstremizmga qarshi kurashish deklaratsiyasida aytilgan.      

"Biz teraktlarni bartaraf etib, tergov qilib, ularning ijrochilarini va qo‘llab-quvvatlayotganlarni ta'qib qilishdan charchamay, terrorchilikka qarshi kurashni yanada yuqoriroq bosqichga olib chiqmoqdamiz", deb aytilgan deklaratsiyada.

Bundan tashqari, G7 yetakchilari xorijiy yollanma jangarilar bilan kurashish bo‘yicha umumiy yondashuvni ishlab chiqishga kelishib olishdi. "Biz xorijiy yollanma jangarilar harbiy harakatlar maydonini tark etgach, ular bildirayotgan xatarlarni yo‘q qilish bo‘yicha jamoaviy yondashuvga intilmoqdamiz", deyilgan deklarats

Yevropa politsiya agentligi ma'lumotlariga ko‘ra, Yaqin Sharqqa IShID tomonda jang qilgani ketgan yevropaliklar umumiy soni 5 mingga yaqinni tashkil qiladi. Ulardan ko‘pchiligi halok bo‘lgan, bir qismi vatanlariga qaytgan, biroq yarmi hali qaytmagan va aynan shu holat "katta yettilik"da ko‘plab yillarga xavfsizlikka jiddiy tahdid deb atalmoqda.      

Shu bilan birga deklaratsiyada "yettilik" davlatlari chegara xizmatlari o‘rtasida hamkorlikni kuchaytirish majburiyatini olish, ekstremistik axborotning internetdagi tarqalishini cheklashga urinishlar qayd qilingan.