"Монако" ярим ҳимоячиси Бернарду Силва "Манчестер Сити"га ўтди. Бу ҳақда шаҳарликлар расмий сайти маълум қилди. Ҳозирда шартнома муддати ошкор қилинмади. 

Португалиялик футболчи янги жамоада 20-рақам остида тўп суради. 

Аввалроқ Силванинг трансфери "Сити" учун 60 млн фунт стерлингга тушиши ҳақида маълумотлар пайдо бўлганди. Ўтган мавсумда футболчи "Монако" таркибида 58та учрашувда майдонга тушиб, 11та гол ва 12та голли узатмага муаллифлик қилган.