Американинг НАСА агентлиги келаси 2018 йил ёзида Қуёш томон тадқиқот зондини учиришни режалаштирмоқда. У Қуёшга жуда яқин масофада яқинлашиши белгиланган. 

"Solar Probe Plus (SPP) миссияси 2018 йил ёзига режалаштирилган", — деб хабар қилмоқда НАСА. Зонд 31 июлдан 19 август оралиғида Delta IV–Heavy ракета ташувчисида учирилади.

Фазовий қурилма, режа муваффақиятли амалга ошса, Қуёшга 6,2 миллион километр масофагача яқинлашади. Бу зонднинг Қуёшга Меркурий сайёрасидан яқинроқ бўлишини англатади. НАСАга кўра, биринчи бўлиб йирик юлдузга "тегинади", чунки у инсоният томонидан юборилган аввалги зондларга нисбатан Қуёшга 7 марта яқин бўлади. 

Агентликнинг хабар қилишича, SPP "юлдузнинг ташқи атмосферасини ўрганади ҳамда унинг физик хусусиятларига доир ўнлаб йиллардан бери мавжуд бўлган масалаларга жавоб топади".

НАСАнинг таъкидлашича, ушбу тадқиқот натижалари "Ерга, сунъий йўлдошлар ва фазогирларнинг фазода ишлашига таъсир кўрсатадиган фазовий ҳаво кўринишлари ҳосил бўлишини прогноз қилишда муҳим аҳамиятга эга". Зонднинг асосий миссияси 11 кунга мўлжалланган, тафсилотлари келаси ҳафтада эълон қилинади.