Foto: Car.ru
Volkswagen avtokonserni allaqachon ishlab chiqarilishi to‘xtatilgan "Moskvich" rusumidagi avtomobillarni qayta ishlab chiqarishni rejalashtirmoqda.
Kompaniya "Moskvich" brendi uchun barcha huquqlarni yaqin 5 yil uchun sotib olgan.
Ma'lum qilinishicha, ishlab chiqarish Kaluga zavodida yo‘lga qo‘yilishi mumkin. Ta'kidlanishicha, nemis kompaniyasi modelning sedan ko‘rinishidagi variantini ishlab chiqarmoqchi.
"Moskvich"larni ishlab chiqargan kompaniya kasodga uchrab, 7 yil avval tugatilgan. Oxirgi "Moskvich-2141" avtomobili 2001 yilda konveyerdan chiqqan.
Mutaxassislar nemis kompaniyasining bu g‘oyasini kreativ deb hisoblamoqdalar va u ayni vaqtda Rossiyaga e'tibor kuchaygani ortida ish berishi mumkin.
