Италия А Сериясининг сўнгги тур ўйинлари 28 май куни ўтказилди ва мавсум якунланди.

«Ювентус» бир тур аввал чемпионликни қўлга кирииб бўлганди. Массимилиано Аллегри «Болонья»га қарши охирги тур ўйинида асосан захира таркибини майдонга туширди. Беллашувнинг сўнгги дақиқасидаги ғалаба голи 2000 йилда туғилган италиялик ҳужумчи Мойзе Кин томонидан урилди. У 21 асрда туғилиб, А Серия ўйинида гол урган илк футболчига айланди.

«Рома» охирги тур ўйинида ЕЧЛга тўғридан-тўғри йўлланмани ҳал қилди. Франческо Тоттининг хайрлашув учрашувига айланган «Жеона»га қарши баҳснинг охирги дақиқасида Диего Перотти ғалаба голини урди. Бу ғалаба римликларга иккинчи ўринни эгаллашни таъминлади. Охирги турда ҳам «Сампдория»га қарши ўйинда ишончли ғалабага эришган «Наполи» (4:2) «Рома»дан бир очкога ортда қолди ва кейинги мавсумда ЕЧЛ гуруҳ босқичида ўйнаш учун плей-офф босқичида қатнашадиган бўлди.

Мавсум якуни тарихий воқеага тўғри келди - Франческо Тотти Римни тарк этди. «Женоа»га қарши ўйин учун чипталар бир кунда сотиб бўлинди. Мухлислар «Женоа» байрамни бузмаслигига умид қилишди, якунда ишончлар оқланди, бир тур аввал А Серияда қолиш масаласини ҳал қилиб бўлган «Женоа»га очко керак эмасди ва Тотти жамоани ғалаба билан тарк этадиган бўлди. 

«Аталанта» мавсумни кучли тўртликда якунлади. Бешинчи ва олтинчи ўринларни эгаллаган «Лацио» ва «Милан» клублари ҳам бу жамоа билан бирга Европа Лигасида тўп суради («Милан» саралашда қатнашади). «Интер» ва «Фиорентина» мавсумни муваффақиятсиз якунлади. «Эмполи», «Пескара» ва «Палермо» олий дивизионни тарк этди.

«Кротоне» сўнгги турда «Лацио» устидан қозонилган ғалаба эвазига А Серияда жон сақлаб қолишга муваффақ бўлди. 1 апрель куни бу жамоа 18-ўринда 17-ўриндаги «Эмполи»дан 8 очко орда эди. Ўтган турлар давомида бу жамоа фақат «Ювентус»га мағлуб бўлди ва «Эмполи» билан орадаги фарқни битта очкогача қисқартирди. Охирги турда «Эмполи» ўз ўйинида ғалаба қозонса, «Кротоне» қандай натижа қайд этишидан қатъи назар жамоа 17-ўринда қоларди. Аммо жамоа бу вазифани уддалай олмади, лигани аллақачон тарк этиб бўлган «Палермо» бу жамоани 2:1 ҳисобида мағлуб этди ва ўзи билан бирга қуйи дивизионга олиб тушиб кетди.

Италия А Серияси
38-тур ўйинлари
27 май, шанба

«Болонья» — «Ювентус» 1:2
Голлар: Сафир Тайдер, 52 (1:0). Пауло Дибала, 70 (1:1). Мойзе Кин, 90+4 (1:2).

«Аталанта» — «Кьево» 1:0
Гол: Алеҳандро Гомес, 52 (1:0).

28 май, якшанба

«Кальяри» — «Милан» 2:1
Голлар: Жоао Педро, 17 (1:0). Жанлука Лападула, 72-пен (1:1). Фабио Писакане, 90+3 (2:1).
Ноаниқ пенальти: Карлос Бакка, 63 (М).
Четлатиш: Габриэл Палетта, 75 (М).

«Рома» — «Женоа» 3:2
Голлар: Петро Пеллегри, 3 (0:1). Эдин Джеко, 10 (1:1). Даниэле Де Росси, 74 (2:1). Дарко Лазович, 79 (2:2). Диего Перотти, 90 (3:2).
Рома – Шченсни, Рюдигер, Манолас, Фасио, Эмерсон (Мариу Руй, 18), Стротман, де Росси, Салоҳ (ФРАНЧЕСКО ТОТТИ, 54), Найнгголан, Ал-Шаъровий (Перотти, 69), Джеко.
Женоа – Ламанна, Бираски, Муньос, Хентилетти, Лазович, Кофи, Велозу, Лаксальт, Хильемарк (Катальди, 56), Пеллегри (Нтчам, 69), Палладино (Нинкович, 50).
Огоҳлантиришлар: Перотти (90), Джеко (90).

«Сампдория» — «Наполи» 2:4
Голлар: Дрис Мертенс, 36 (0:1). Лоренцо Инсинье, 42 (0:2). Марек Ҳамшик, 49 (0:3). Фабил Квальярелла, 51 (1:3). Хосе Каллежон, 65 (1:4). Рикардо Альварес, 90 (2:4).

«Интер» — «Удинезе» 5:2
Голлар: Эдер, 5 (1:0). Иван Перишич, 18 (2:0). Марцело Брозович, 36 (3:0). Эдер, 54 (4:0). Андрия Балич, 76 (4:1). Габриэле Анжелла, 78-авт (5:1). Дуван Сапата, 90+3 (5:2).

«Кротоне» — «Лацио» 3:1
Голлар: Андреа Налини, 14 (1:0). Диего Фалчинелли, 22 (2:0). Чиро Иммобиле, 26-пен (2:1). Андреа Налини, 60 (3:1).
Четлатиш: Баштуш, 42 (Л).

«Торино» — «Сассуоло» 5:3
Голлар: Лукас Бое, 6 (1:0). Грегоре Дефрель, 14 (1:1). Даниэле Баселли, 22 (2:1). Грегоре Дефрель, 40 (2:2). Лоренцо Де Сильвестри, 45+1 (3:2). Яго, 57 (4:2). Андреа Белотти, 79 (5:2). Грегоре Дефрель, 81-пен (5:3).

«Фиорентина» — «Пескара» 2:2
Голлар: Жанлука Капрари, 15 (0:1). Жан-Кристоф Баэбек, 65 (0:2). Риккардо Сапонара, 66 (1:2). Матиа Веcино, 85 (2:2).
Четлатиш: Федерико Кьеза, 38 (Ф).

«Палермо» - «Эмполи» - 2:1
Голлар: 1:0 – 76 Несторовски, 2:0 – 84 Бруно Энрике, 2:1 – 87 Крунич.