АҚШда Жон Кеннеди таваллудининг 100 йиллиги нишонланмоқда

Жамият 29 Май 2017 5638

29 майда АҚШда мамлакатнинг 35-президенти Жон Фицжеральд Кеннеди таваллудининг 100 йиллиги нишонланмоқда. Шу муносабат билан Бостондаги Кеннеди номидаги Президент кутубхонасида тантанали маросимлар бўлиб ўтади. Бу ерда "Жей-Эф-Кей - 100: даврлар ва хотиралар " (JFK at 100: Milestones and Mementos) номли кўргазма очилди.

Кўргазмада Кеннедининг болалиги ва ўсмирлиги билан боғлиқ экспонатлар, у Иккинчи жаҳон уруши вақтида Тинч океанида қўмондонлик қилган PT-109 катеридан байроқ, Оқ уйдаги ўриндиғи, Куба инқирози даврига тегишли ҳужжатлар ва унинг фуқаролик ҳуқуқлари ҳақидаги нутқларининг қораламалари намойиш қилинади.

Кўргазмада намойиш қилинадиган Кеннедига тегишли буюмлардан баъзилари, жумладан, унинг қуёшдан сақловчи кўзойнаклари, галстуклари, яқинлари томондан олган совғалари ҳали бирор марта оммага тақдим қилинмаган.

АҚШнинг почта хизмати президент таваллудининг юбилей санаси муносабати билан марка чиқарди, Президент кутубхонаси эса турли давлатларда Кеннеди номи билан аталган жойлар суратлари танловини ташкиллаштирди. 

АҚШ тарихида энг ёш президент бўлган Кеннеди 1917 йил 29 май куни Массачусетс штатининг Бруклайн шаҳарчасида дунёга келган. У Гарвард университетини битиргач, 1941 йилда АҚШ ҳарбий-денгиз кучлари резервига хизматга кирган. Иккинчи жаҳон урушида Тинч океанида торпедо катерларига қўмондонлик қилган ва медаллар билан тақдирланган. Урушдан кейин Массачусетс штатидан АҚШ вакиллар палатасига, сўнгра Сенатга сайланган. 1960 йилдаги президентлик сайловларида Республикачилар партияси номзоди Ричард Никсон устидан ғалаба қозониб, 43 ёшида АҚШ тарихидаги энг ёш президентга айланган.

Кеннеди 1963 йил 22 ноябрда Даллас шаҳрига сафари давомида собиқ ҳарбий Ли Харви Освальд томондан ўлдирилган. Бироқ Кеннедининг ўлдирилиши ҳақида ҳали ҳам турли тахминлар билдириб келинади.

Бутун дунё Кеннедининг ўлимидан ларзага келган. Кеннеди ўз нутқида айтган баъзи фикрлар ҳали ҳам ўз долзарблигини йўқотмаган: "Бизнинг орамиздаги умумий жиҳат шуки, барчамиз бу сайёранинг одамларимиз. Барчамиз бир ҳаво билан нафас оламиз. Фарзандларимиз келажаги учун яшаймиз. Ва барчамиз ўлгувчимиз".

Cecil Stoughton/Reuters
Courtesy of the John F. Kennedy Library Foundation/REUTERS

Жон Кеннеди ака-сингиллари билан: Жозеф Кеннеди, Кэтлин Кеннеди, Розмари Кеннеди ва Жон Ф. Кеннеди, 1928 йил 

The White House/John F. Kennedy Presidential Library/REUTERS

Кеннеди Европага сафари давомида, 1937 йил  

AP

Кеннеди отаси – АҚШнинг Буюк Британиядаги элчиси Жозеф Кеннеди билан, 1938 йил

 John F. Kennedy Presidential Library/REUTERS

Кеннеди Иккинчи жаҳон уруши вақтида РТ-109 катери бортида, 1942 йил

John F. Kennedy Presidential Library and Museum/REUTERS

АҚШ конгрессмени ва бўлғуси президент Кеннеди Банкер-Хиллдаги парадда, 1950 йил

Stringer/Reuters

Рафиқаси Жаклин Кеннеди билан, 1953 йил

AP

Кеннеди президент этиб сайлангандан кейин оила даврасида, 1960 йил 9 ноябрь.

Abbie Rowe/The White House/John F. Kennedy Presidential Library/REUTERS

Кеннеди 1961 йил 20 январда Вашингтондаги инаугурацияси вақтида.

ИТАР-ТАСС

Кеннеди ва Никита Хрушев Венада Кариб инқирози масаласини муҳокама қилиш олдидан, 1961 йил  

Wikimedia Commons

Кеннеди ва Франция президенти Шарль де Голль Парижда, 1961 йил

time.com

Жон Кеннеди, 1962 йил

Cecil Stoughton/The White House/John F. Kennedy Presidential Library /REUTERS

Кеннеди ва фазогир Жон Гленн "Дўстлик 7" космик кемаси ичини кўздан кечиришмоқда, 1962 йил

Cecil Stoughton/Reuters

Кеннеди ўғли билан Оқ уйдаги Овал хонада, 1963 йил

Cecil Stoughton/Reuters

Кеннеди ўғли билан Оқ уй ёнида, 1963 йил

Cecil Stoughton/Reuters

Кеннеди қизи билан яхтада, 1963 йил

Cecil Stoughton /The White House/John F. Kennedy Presidential Library/REUTERS

Кеннеди Хианнис портига йўл олишдан олдин отаси билан хайрлашмоқда, 1963 йил

AP

Кеннеди рафиқаси билан Даллас аэропортида, 1963 йил 22 ноябрь 

Cecil Stoughton/Reuters

Кеннеди рафиқаси билан вафоти куни, 1963 йил 22 ноябрь

Reuters

Кеннеди ўлимидан бир неча сония аввал, 1963 йил 22 ноябрь

AP

АҚШнинг 35-президенти Жон Кеннеди

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28221 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15048 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56153 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 1085 Жаҳон
Reuters: АҚШ Мисрга ҳарбий ёрдам бермайдиган бўлди
00:34 961 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 3465 Жамият
Германияда Трамп боши шаклидаги гиёҳванд моддали таблеткалар аниқланди
00:21 951 Жаҳон
Сербия Ҳиндистон ва Эрон фуқаролари учун визани бекор қилди
00:18 889 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1196 Жаҳон
Кўпроқ янгиликлар