2016/17 йилги мавсум якунига кўра, Италия А Серияси Европадаги бешлик  чемпионатлари орасида энг кўп гол урилган чемпионат бўлди. Мавсум давомида жамоалар жами 1123та гол уришган.

Бу борада иккинчи ўринни Испания Примераси эгаллаган (1118 гол). Кейинги ўринларда Англия Премьер-лигаси (1064), Лига 1 (991) ва Бундеслига (877) жойлашган.

Италия чемпионатидаги энг самарадор жамоа «Наполи» бўлди, бу жамоа футболчилари 94 гол уришган. А Сериянинг рейтингда биринчи ўринда бўлишига «Рома» ҳам яхшигина ҳисса қўшган (90 гол).

Топ-5 вакиллари орасида энг кўп гол урган жамоа эса «Барселона» бўлди, бу жамоа футболчилари рақиб дарвозаларига 116 марта гол йўллаган.