29 май куни Франция ва Буюк Британияда кучли довул кузатилди. Маҳаллий метеорологларнинг маълум қилишича, минглаб европаликлар тунги вақт ақл бовар қилмас даражада кучли гумбурлаш овозларидан уйғониб кетишган. Интернетда эса осмонда чақмоқнинг аланга каби ёниб ўтиши тасвирланган лавҳалар жойлаштирилган.    

"Францияда 40 минг чақмоқ қайд қилинди, 2 соатдан кейин эса довул Британияга ўтган", деб ёздилар журналистлар. ОАВда маълум қилинишича, довул Британияда Уэльс майдонидан каттароқ ҳудудни қоплаб олган. 

Британиянинг Кент графлигида чақмоқ уришдан бир неча уйга шикаст етган.

Яқин кунларда Британияда жала, кучли шамоллар ва дўл бўлиши кутилмоқда. 

Довул оқибатида жабрланганлар бор-йўқлиги ҳақида ҳозирча маълумот берилмаган.