Олий аттестация комиссияси 1 июлдан илмий даражаларни беришни бошлайди

Ўзбекистон 29 Май 2017 7842
Фото: glsuniversity.ac.in

Вазирлар Маҳкамаси 22.05.2017 йилда 304-сон «Олий ўқув юртидан кейинги таълим тизимини янада такомиллаштириш чора-тадбирлари тўғрисида»ги қарорни қабул қилди, деб ёзади Norma.uz.

Ҳужжат билан Олий ўқув юртидан кейинги таълимга қўйиладиган давлат талаблари, Олий ўқув юртидан кейинги таълим тўғрисидаги низом, шунингдек фалсафа доктори (PhD), фан доктори (DSc) дипломлари ҳамда доцент, катта илмий ходим ва профессор аттестатларининг давлат намуналари тасдиқланди.

Эслатиб ўтамиз, Президентнинг 16.02.2017 йилдаги 4958-сон «Олий ўқув юртидан кейинги таълим тизимини янада такомиллаштириш тўғрисида»ги фармонига мувофиқ  Ўзбекистонда олий ўқув юртидан кейинги таълимнинг икки поғонали тизими кўзда тутилган: фалсафа доктори ва фан доктори. Бунда ўқиш базавий докторантура, докторантура ва мустақил изланувчи шаклларида олиб борилади.

Докторантурага кириш имтиҳонларининг суҳбатга алмаштирилиши муҳим янгилик бўлди. Кириш имтиҳонлари базавий докторантурада сақланиб қолинган.

Бундан ташқари, фан доктори илмий даражаси изланувчилари учун Ўзбекистоннинг энг янги тарихи, чет тили ва мутахассислик бўйича имтиҳонлар бекор қилинган. Фалсафа доктори илмий даражаси изланувчилари учун чет тили ҳамда мутахассислик бўйича имтиҳонлар сақланиб қолинган.

Шу билан бирга, хорижий материалларга талаблар Вазирлар Маҳкамаси ҳузуридаги Олий аттестация комиссияси (ОАК) томонидан белгиланган чет эл журналидаги 1 та илмий мақолагача туширилган.

Фалсафа доктори илмий даражаси изланувчилари учун тадқиқот натижаларини амалиётга жорий этиш “амалиётга жорий этиш учун натижаларни тақдим этиш”га ўзгартирилган. Шу тариқа, фан доктори илмий даражаси изланувчилари учун жорий этиш факти мажбурий қилиб белгиланган.

ОАКга 1 июлдан бошлаб аттестация ишларини қабул қилиш ва кўриб чиқиш ҳамда изланувчиларга фалсафа доктори ва фан доктори илмий даражалари беришни таъминлаш топширилган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28056 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14939 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56042 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 680 Жаҳон
Reuters: АҚШ Мисрга ҳарбий ёрдам бермайдиган бўлди
00:34 670 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 2477 Жамият
Германияда Трамп боши шаклидаги гиёҳванд моддали таблеткалар аниқланди
00:21 671 Жаҳон
Сербия Ҳиндистон ва Эрон фуқаролари учун визани бекор қилди
00:18 661 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 898 Жаҳон
Кўпроқ янгиликлар