Пойтахтда йўловчи транспорти тизими қандай ривожлантирилади?

Ўзбекистон 29 Май 2017 6668

Ўзбекистон Республикаси Президентининг 2017 йил 19 майдаги ПҚ–2979 сонли қарори билан Тошкент шаҳрида электрлаштирилган икки изли халқа темир йўлини қуриш тартиби тасдиқланди. Шу билан бирга, қарор билан шаҳар йўловчи транспорти тизимини янада ривожлантириш бўйича топшириқлар берилди. Бу ҳақда давлат раҳбари матбуот хизмати хабар қилмоқда. 

Лойиҳа 2017–2021 йилларда йўловчи электрпоездларини харид қилишга мутаносиб равишда ривожлантирилади. Лойиҳанинг умумий қиймати 320,1 млн АҚШ доллари миқдорида бўлади. 

Лойиҳани самарали амалга ошириш, маблағлардан мақсадли ва самарали фойдаланиш учун жавобгарлик буюртмачи – «Ўзбекистон темир йўллари» АЖга юкланган. «Боштранслойиҳа» АЖ асосий лойиҳа ташкилоти, «Ўзбекистон темир йўллари» АЖнинг бўлими бош пудратчи сифатида белгиланган.

Лойиҳани амалга ошириш доирасида унинг иштирокчилари 2022 йил 1 январига қадар қуйидагиларни тўлашдан озод этилган:

-  Мамлакатда ишлаб чиқарилмайдиган, хусусан, тасдиқланган рўйхат асосида «вақтинча олиб кириладиган» ускуналар, бутловчи қисмлар, эҳтиёт қисмлари, материаллар, хом ашё, технологик ҳужжатлар, жиҳозлаш, йўловчи электропоездлар ва ускуналар, уларга кафолат муддати давомида олиб кириладиган эҳтиёт қисмлар ва  металл прокат божхона тўловларидан (божхона йиғимларидан ташқари);

-  Товарлар, ишлар (хизматлар), шу жумладан Ўзбекистон норезидентлари томонидан кўрсатилган ишлар (хизматлар) қўшилган қиймат солиғидан;

Ўзбекистон Вазирлар Маҳкамаси ҳузуридаги Республика йўл жамғармаси ва Молия вазирлиги ҳузуридаги Бюджетдан ташқари таълим ва тиббиёт муассасалари моддий-техник базасини ривожлантириш жамғармасига мажбурий тўловлар ва йиғинлардан.

Бундан ташқари, лойиҳани амалга ошириш чоғида «Ўзбекистон темир йўллари» АЖ ва унинг тузилмавий бўлинмалари ҳамда лойиҳанинг бошқа иштирокчилари томонидан ўзаро айирбошланган иншоотлар, ҚҚС, юридик шахсларга солинадиган даромад солиғи, ободонлаштириш ва ижтимоий инфратузилмаларни ривожлантириш солиғи объекти бўла олмайди. 

Халқа темир йўлини қуриш ва лойиҳалаш масалалари бўйича махсус ташкил этилган Ишчи гуруҳга келгуси йил бошида Тошкент шаҳрининг йўловчи транспорти тизимини истиқболда ривожлантириш Концепцияси лойиҳасини тақдим этиш вазифаси топширилган. 

Унда қуйидагилар акс этган бўлиши керак:

-  Тошкент вилоятининг турли шаҳарларини пойтахт билан боғловчи доимий йўналишларни жорий қилиш;

-  Йўловчилар учун имкон энг юқори қулай шароитларни тақдим этиш;

-  Икки изли халқа темир йўлининг Тошкент метрополитени, шоҳбекатлар ва автомобиль халқа йўли ёқасидаги шаҳар атрофи ва шаҳар автобус йўналишларининг автостанциялари билан боғланиши ва шу асосда уларнинг ҳаракатланиш жадвалини оптималлаштириш.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95709 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46537 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51713 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9343 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20139 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 335 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 159 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 682 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 876 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 550 Жаҳон
Кўпроқ янгиликлар