Шри-Ланкада сув тошқинлари ва кўчкилар туфайли ҳалок бўлганлар сони 164 кишига етди. Табиий офат кучли ёмғирлар сабаб юз берган, деб хабар бермоқда Синьхуа агентлиги.

Аввалроқ 146 инсон ҳалок бўлгани ва 500 мингга яқин киши бошпанасиз қолгани хабар қилинганди. Шри-Ланка президенти Майтрипала Сирисена ўтган дам олиш кунлари мамлакатнинг энг кўп зарар кўрган ҳудудларига бориб, маҳаллий аҳолини улар учун янги уйлар қурилиши ҳақида хабардор қилган.

Бундан аввал Ҳаитида ҳам кучли сув тошқинлари юз бергани ҳақида хабар қилинганди.