Тошкентда сафдош дўстининг қарийб 6 минг долларлик нарсаларини ўмариб кетган йигит ушланди

Жамият 29 Май 2017 8677

Элёр Бекзод (исмлар ўзгартирилган) билан ҳарбий хизматда танишди. Қисқа вақт ичида иноқлашиб, дўст тутинишди. Хизмат муддатини тугагач, Бекзод сафдошига ўз яшаш манзилини айтиб, меҳмонга келиб туришини тайинлади, деб ёзади “Постда” газетаси.

Элёр уйига қайтгач, на ўқишга кирди, на ишга. Отасининг даккилари, онасининг маслаҳатларига қулоқ тутишни истамади.

Бир куни кечқурун отаси ишдан қайтгач, ўғлининг телевизор ёнида оёғини чалиштириб ётганини кўриб, асаби бузилди:

-  Ўғлим, сен тенги йигитлар аллақачон бир ишнинг бошини тутиб, рўзғорга ёрдам беряпти. Бизларни сенга боғлаб бермаган, ахир. Кап-катта йигит бўлсанг, уялмайсанми, еб ётишга!

-  Яна бошладингизми? Қайси ота боласига миннат қилиб едиради? – деди Элёр тутоқиб. – Жонга тегди! Шу уйдан кетсам, қутуламан, шекилли!

Элёр шундай деди-ю, эшикни қарсиллатиб ёпиб, кўчага чиқиб кетди. Кўчага чиққач, қаерга бориши мумкинлигини ўйлади. Телефонидаги рақамларни бирма-бир кўздан кечираётиб, дўсти Бекзоднинг таклифи эсига тушди.

...Бекзод сураткашлик билан шуғулланарди. Сафдош дўстини қучоқ очиб кутиб олган Бекзод орзу-ҳаваслари билан бўлишди. Фотостудия очиш ниятида эканини айтди. Шу мақсадда олиб қўйган асбоб-ускуналарини дўстига кўрсатди.

-  Имкониятлардан фойдаланиб қолиш керак, дўстим, - деди Бекзод. Ахир, умр инсонга бир марта берилади. Ҳозир оёққа туриб олсак, қариганда роҳат-фароғатда яшаймиз, тўғри эмасми.

Элёрнинг дилида ҳавас эмас, ҳасад ҳисси уйғонди.

Иккала дўст алламаҳалгача суҳбатлашиб ўтирди. Бекзод чарчаганини айтиб, дўстига ётиш учун жой тайёрлаб берди. Ўзи дам олиш учун ётоғига кириб кетди. Элёр эса мусиқа эшитиб, кечроқ ётмоқчилигини айтди. Аммо унинг қулоғига мусиқа овози кирмасди. “Бекзод қандай қилиб шунча пул топди, унинг мендан нимаси ортиқ?” деган саволлар миясига ўрнашиб олганди. Ҳасад ич-этини ерди. Кўз олдида турган қимматбаҳо фотоаппарат, ёритгич ва фотоаппаратнинг турли мосламалари кўзига бир дунё бойлик бўлиб кўринарди...

Соат тунги учлар атрофида Элёр уй калитини олиш ниятида Бекзод ётган хонага кирди. Шу пайт дўсти уйғонди. Элёр совқотаётганини айтди. Бекзод дўстининг гапларига ишониб, унга кўрпа бериб, яна ухлашга ётди...

Эрталаб Бекзод дўстининг қилмишидан ўзига келолмади. Чунки Элёр тунда қимматбаҳо фотоаппарат ва унга тегишли барча ускуналарни, “Iphone-5” русумли телефон аппаратини, жами 5 минг 860 АҚШ доллари миқдоридаги буюмларни ўғирлаб кетганди.

Бекзод воқеа юзасидан ички ишлар органига ариза билан мурожаат қилди. Тезкор-қидирув тадбирлари ўз натижасини берди. Элёр тезда қўлга олиниб, қонун доирасида жиноий жавобгарликка тортилди. 

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 4782 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 5654 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21123 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49948 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 5799 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 3693 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 6166 Жаҳон
Хитой хорижий инвестицияларга чеклов жорий қилди
23:08 / 21.08.2017 3241 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 5096 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 4759 Технология
Кўпроқ янгиликлар