Италия «А» Сериясининг сўнгги, 38-тури доирасида «Рома» ўз майдонида — Римдаги муҳташам «Олимпико» стадионида «Женоа»ни қабул қилди ва 3:2 ҳисобида ғалаба қозонди. Ушбу ғалаба чемпионат якуни бўйича «Рома»га иккинчи ўринни тақдим этди ва «жаллоросси» келгуси мавсумда Европа чемпионлар Лигасини гуруҳ босқичидан бошлайди.

Учрашувда энг эсда қоларли жиҳат «Рома»нинг ЕЧЛнинг тўғридан-тўғри йўлланмасини қўлга киритгани эмас, унинг «абадий» сардори Франческо Тоттининг 54-дақиқада Муҳаммад Салоҳнинг ўрнига майдонга туширилиши бўлди.

Бу 41 ёшга яқинлашаётган Франческо Тоттининг «Рома» сафидаги сўнгги учрашуви эди.

Келинг, бу буюк футболчи ҳақида баландпарвоз мақтовлардан кўра, бироз қуруқ статистикага мурожаат қилсак.

Франческо Тотти «Рома» таркибида:

25 мавсум;
786 ўйин ўтказди.
307 та гол муаллифи бўлди. Уларнинг 250 таси «А» Серияда киритилган
197 та голга ассистентлик қилди.
1 клуб.

Тоттининг сўнгги ўйини олдидан Римнинг «IL TEMPO» газетаси 73 йиллик тарихида биринчи марта номини ўзгартирди —  «IL TEMPO DI TOTTI» деб.

«Рома»нинг сўнгги ўйиндаги рақиби «Женоа» ҳам Тоттига бағишланган эсдалик либослари чиқарди.

Рома ҳам ўйинда махсус либосда ҳаракат қилди

Римдаги жамоат транспортларида «Ташаккур, капитан» деб ёзилган эди.

Стадионга барча мухлислар 10 рақами туширилган футболкаларда келишди

Юзлаб баннерлар илинди

Ҳаттоки ҳаводаям «Ташаккур, капитан» ёзуви парвоз қилди

Тотти ўйинни захира ўриндиғидан бошлади

...ва мухлисларнинг бундай қўллаб-қувватлашидан ҳайратда қолди

У ўз карьерасида сўнгги марта майдонга тушмоқда

Тотти ўйиндан сўнг ўз кўз ёшларини тийиб тура олмади…